WAKO SAKE LABO (已結業)

來到銅鑼灣，經過一間全落地玻璃門面的餐聽，好似幾靚喎，再睇吓個餐牌，有三品，四品，五品料理，價錢亦合理，咁呢日午餐仲唔係佢？？呢度有OMAKASE，亦有輕食食品，輕食食品擺喺啲凍，熱櫃度，熱櫃溫度keep住喺60度左近。見D食物都吸引，就揀咗四品和五品料理，咁就有4款冷盤及5款熱盤食。四品有芝麻汁菠菜沙律，和風牛油果沙律，日式唐揚炸雞，豆腐釀雞肉。其中菠菜沙律令我諗起日本溫泉酒店食物，而豆腐釀雞肉嘅概念好正，我第一次食，感覺唔錯。五品就揀咗烤雞柚子沙律，大蝦芒果黑醋沙律，雜菌牛油蝦，鹽燒鯖魚和茄子蝦。 今次4款沙律的菜都好新鮮，我全部食晒。店員同時推介呢個全港首創嘅酒粕咖啡，有新意, 啡酒合一，咖啡中有些少酒味，唔會醉嘅。另一樣宜家流行嘅生酮料理係藜麥椰菜花飯，好味之餘亦非常之健康。不信你來試吓。間舖頭同時有D日式食品售賣，我今次趕時間齋睇冇買，下次先。