MedOven (已結業)

閒日想靜靜地食個dinner, 又唔想咁dry 又食粥麵飯，唯有行過去上環睇下有咩好選擇啦。呢間地中海餐廳其實留意左好幾次，但又未諗過入去食喎，今次見無咩人，不如試下食地中海餐啦。思考片刻，究竟有咩岩食呢，我又唔係好鐘意食地中海卷，總係覺得個薄餅皮太厚唔係我杯茶揀揀下，原來可以配沙律喎，咁就試下烤雞腿沙律啦。個沙律係三色椒加洋蔥，非常惹味好爽口主菜雞腿份量唔細，仲加左蕃茄汁，而且配左半個size 既烤薯仔，食到非常飽！呢間餐廳其實裝修好靚，又夠靜，真係唔多似係市中心呢。成個餐$59, 唔貴，值得再去。