檳城餐廳 (已結業)

檳城開業半年有多，但從未幫襯過，原本唸住去太興食早餐，點之要排隊等位，唔知要等幾耐，索性去檳城食仲可以試吓新嘢望入去就見到一排排紅色好似掛咗雀籠嘅吊燈，好sharp! 櫃亦放咗一啲小擺設，卡位位置好寬，坐得非常鬆動又舒服一睇餐牌早餐款式選擇多，有西式早餐、三文治、扒類同湯粉麵，叫咗份炒蛋配牛仔柳，仲有焗豆同薯蓉，唔好睇少以為唔夠食，原來份量剛剛好牛仔柳出乎意料的好，唔覺得靱，煎得幾香，反而炒蛋一般，無乜蛋味，薯蓉平時食，顏色係淺黃色，而呢款薯蓉帶橙色，食落又唔似平時食薯蓉味道，似是番薯味，都好食嘅！