Bread and Bistro (已結業)

同屋企人去開黃竹坑買嘢，順便趁星期六好天就去附近食晏，今次再encore 呢間bread & bistro, 不過今次就唔見班戟，因為早餐實在食得太飽😅我哋叫咗：蟹肉小龍蝦意粉配龍蝦汁，全日早餐配漢堡扒蟹肉小龍蝦意粉配龍蝦汁：龍蝦汁好香濃，蟹肉同小龍蝦肉都頗多，淡淡海鮮精華，加上意粉煮得彈牙，亦好掛汁。除咗車厘茄之外，仲有菠菜令呢碟意粉層次增加，而且更有益，抵讚全日早餐：炒蛋好香滑，好多菇菌，啱晒鍾意食菇類嘅屋企人口味，重點推介漢堡扒，厚厚的，但好鬆軟，味道香口有肉汁，有別於一般快餐店嘅咸咸乾乾漢堡扒。另外香腸，煙肉不過不失