輝哥私房菜

營業中

休息中

又到咗結婚記念日，老公話同我撐枱腳，訂咗佐敦的輝哥私房菜食［活肥蟹•蛇羹宴]。除咗有由名廚精心炮製的多款粵式美食菜式，重有全場供應紅酒、白酒、啤酒、果汁及汽水任飲。山楂皮蛋夾酸薑：醒胃前菜。沙薑鮮珍肝：用新鮮雞肝和雞腸加上沙薑做成，雞腸都幾爽口。九製話梅蒸肉蟹：肉蟹除咗肉質鮮甜，重有甘香嘅蟹膏，第一次食蟹用咗九製話梅蒸，味道唔錯！蟲草花淮杞黨參鮑魚燉水鴨：足料夠火喉，用咗蟲草花、准山、黨參、鮑魚、水鴨多種滋補材料燉製而成，啖啖都香甜美味又有益。蝦籽柚皮生扣鵝掌：鵝掌燜至軟腍，配以入味多汁的柚皮和蝦籽，味道濃而不膩。百花酥炸五蛇丸：熱辣辣啱啱炸好，外脆內嫩，加入九制陳皮和木耳絲增加口感和香味！古法蒸杉老虎班：老虎班新鮮，蒸得熟度剛剛好，肉質鮮嫩。生炒臘味糯米飯：糯米飯粒粒分明，口感軟糯，加埋臘味炒更香更惹味！焦糖法式燉蛋：燉蛋香滑，甜度適中！