影片
更多
2021-08-20
571 瀏覽
自從係西貢食過鑊仔dutch baby pancake🍳之後就念念不忘個陣蛋香味🥚，早排見到荃灣呢間開業大約半年既cafe都有得食就決定要去試下🤩.Café位於荃灣廣場附近，地理位置📍唔算難搵，如果去荃灣係鄰近幾個大型商場行街前/後過去食野都幾就腳🐾係門口見到cafe係一間轉角舖位以為好大，然而入面實際只有五張小圓檯同窗口一排四個座位🪑，收銀區更係同coffee bar、廚房三合一，坐係距離呢個工作區最接近既窗口位🪟其實都幾有壓迫感😓加上當日兩點零去到坐左無耐太陽☀️就曬正窗口位，俾太陽曬住既情況下食野同飲野都真係唔太舒服，所以坐到窗口位都唔知係件好事定係壞事🤭.唔知係咪因為空間有限，個人感覺呢度係以甜品🍮為主，甜品選擇有7款但其他食物就得兩款all day breakfast🍱、6款意大利粉🍝同一款小食🥘；至於飲品方面，咖啡類☕️有8款，其他飲品🍵只有3款茶類🌱、babyccino、朱古力同matcha latte共6款，可以話係一間貴精不貴多既cafe🤭****************************** ✨黑松露貝夏媚白醬蟹肉手工千層麵🦀🍝 ($98)千層麵普遍以紅醬🔴為主，
自從係西貢食過鑊仔dutch baby pancake🍳之後就念念不忘個陣蛋香味🥚，早排見到荃灣呢間開業大約半年既cafe都有得食就決定要去試下🤩.
Café位於荃灣廣場附近，地理位置📍唔算難搵，如果去荃灣係鄰近幾個大型商場行街前/後過去食野都幾就腳🐾
係門口見到cafe係一間轉角舖位以為好大，然而入面實際只有五張小圓檯同窗口一排四個座位🪑，收銀區更係同coffee bar、廚房三合一，坐係距離呢個工作區最接近既窗口位🪟其實都幾有壓迫感😓
加上當日兩點零去到坐左無耐太陽☀️就曬正窗口位，俾太陽曬住既情況下食野同飲野都真係唔太舒服，所以坐到窗口位都唔知係件好事定係壞事🤭
.
唔知係咪因為空間有限，個人感覺呢度係以甜品🍮為主，甜品選擇有7款但其他食物就得兩款all day breakfast🍱、6款意大利粉🍝同一款小食🥘；至於飲品方面，咖啡類☕️有8款，其他飲品🍵只有3款茶類🌱、babyccino、朱古力同matcha latte共6款，可以話係一間貴精不貴多既cafe🤭
******************************
✨黑松露貝夏媚白醬蟹肉手工千層麵🦀🍝 ($98)
千層麵普遍以紅醬🔴為主，白醬⚪️真係比較少有，而呢客千層麵每層麵皮之間都夾住有黑松露醬🍄同蟹肉碎🦀既白醬，不過兩者味道並唔明顯，反而芝士🧀份量就幾足，比較似係食緊一份芝士千層麵🤔
雖然菜名寫住係手工，麵皮既口感並無一般手工意麵既Q彈同埋嚼勁，加上千層麵既真身大約得一磚豆腐咁大，如果作為兩個人share既主食，除非兩位都係細食人士，否則真係唔太夠食🙈
-
✨焗芝士貝夏媚白醬雞皇配迷迭香蕃茄麵包條🐔 ($58)
由於要留肚食甜品又唔想食兩客意大利粉就點左呢款店內唯一一款既小食，雞肉粒🐔被滿滿既芝士🧀同白汁包圍並以鐵鑊熱辣辣咁上桌🥘，份量一啲都唔似係一份小食😯
可惜雞肉食落無味感覺似係無醃過，所以呢份小食主要既味道係來自芝士同白汁😑
迷迭香蕃茄麵包條🥖既香草味🌿同蕃茄味🍅屬於清淡型唔會好濃郁，不過份量只有一條，每人要用呢半條麵包條去KO成兜芝士白汁雞皇其實絕對係唔夠，而且亦唔太蘸到醬汁，最後只能空口食會覺得有啲heavy😟 如果可以有返蒜蓉包既大小兼且有多幾件會比較理想👌🏻
-
✨荷蘭寶貝班戟配糖煮雜莓🍳 ($68)
呢客pancake既賣相望落好正宗，邊位帶有輕微焦脆不過個人略嫌中央偏薄，口感上並無之前係西貢cafe食過既咁軟綿綿☁️
鮮雜莓🍓🫐既份量唔少，個雜莓醬食落甜甜酸酸，可惜pancake無論係聞同食落都無法令人感受到應有既蛋香🥚，呢點係令我覺得幾失望既😣
-
✨Dirty☕️ ($40)
Dirty既精髓在於新鮮整好時可以一口飲到espresso shot剛brew出黎既熱同冰涼鮮奶🥛兩者既溫度，不過呢杯dirty既鮮奶明顯係唔夠凍❄️，呢點已經係唔合格❌
由於呢度並無提供咖啡豆風味俾客人選擇，而呢杯dirty既風味比較fruity🍇，個人就唔係太鍾意佢既味道🙈
-
✨Latte☕️ ($40)
奶泡打得夠綿密☁️，咖啡既body比較清爽，對於飲慣醇厚口感既我黎講就唔太習慣🤨
試埋呢杯latte之後個人認為呢度既水準只屬一般，無乜太令人印象深刻既地方😅******************************
👧🏻人均消費：$152
😋味道指數：3/5
💰抵食指數：3/5
🪑環境指數：3/5
💁🏻♀️服務指數：3/5
👍🏻再訪指數：3/5
-
📍Bench Cafe
地址：荃灣芙蓉街17號地舖
⏰營業時間：11:00–21:30 (Mon–Sun)
張貼
