蠔灣 (已搬遷) 新店位置

突然間想食海鮮，朋友仔介紹我去Oyster Cove豪食蠔！今次去左尖沙咀分店，一開始都用左少少時間搵間餐廳，係加連威老道近百樂酒店附近一條巷仔轉入去先見到！一坐低侍應姐姐就同我地推介今日有咩蠔好食，聽佢推介點左6款生蠔，有Honey point、Lambert 、Majestic 、La perle noire、Gillardeau、Belon、海膽帶子刺身一個龍蝦set同埋d小食！等左一陣d蠔就到左，每一隻都唔同size但係隻隻都好吸晴好新鮮！相機食完就即刻忍唔到手！不過好好人既侍應姐姐都好有耐性咁同我地介紹每款蠔既特色同埋應該點拆隻蠔先可以大大啖咁食！我唔客氣啦！真係每款蠔都各有風味！不過共同點就係鮮同甜！個人最鍾意Majestic，一入口就好香好新鮮，而Belon既味道真係好濃郁！(食曬成餐都仲feel到個味道 )海膽刺身都好甜好好味！餐廳有提供紫菜俾我地伴海膽，估唔到夾埋又有另一種風味，正！帶子又大粒又鮮甜！個龍蝦三食分別係龍蝦刺身，龍蝦湯同埋龍蝦意粉。龍蝦刺身味道清新，建議食生蠔之前食左先，咁就可以試真d個味！龍蝦湯好濃好重龍蝦味！龍蝦意粉個軟硬度岩岩好，仲有啖啖既龍蝦香味