SAMA Curry & Cafe (已結業)

見到呢間日本湯咖哩好似唔錯 有得選擇辣度 湯底 所以黎試下 ✨辣度8 椰子湯底馬拉松雞 $118辣度8 對於我呢個平時喺譚仔食開5小辣～3小辣左右嘅人黎講啱啱好 夠辣得黎又唔會話食到好辛苦 流晒鼻涕嗰啲 個湯咖哩好香好好味不過就唔多食得出有椰子味 雞有雞脾位 不過隻雞就唔算話好滑好香 普通 仲有好多雜菜 南瓜 茄子 西蘭花 薯仔 蛋 薯仔同茄子都幾好食✨辣度13 蝦湯底上等牛肋 $138辣度13 呢個初初食頭一兩啖好似唔係好辣 但越食越feel 到佢啲辣 食得多係會開始覺得熱同埋出汗 蝦湯底個蝦味好出 鍾意濃味啲嘅可以揀呢個湯底 牛肋我覺得都係正常 唔算話好香好正 總括黎講係個湯咖哩好食 可以就咁飲都得 主食材就正正常常啦午餐人均～$150味道❤️❤️❤️❤️價錢❤️❤️❤️服務❤️❤️❤️環境❤️❤️❤️