花椒子 (已結業)

成日行過旺角都會見到呢間「花椒子」排緊長龍，今日經過見到難得竟然無人排隊，即刻衝入去一探究竟！入到去好似去左第二個世界咁，裝修勁靚好有feel，見到餐廳正中間有個台有支咪，唔知平時係咪會有live band嫁呢？呢到主打川菜打邊爐，有花椒魚酸菜魚湯底。我地怕太辣所以叫左酸菜魚，好正唔算好辣，岩晒我地口味。成個湯底好大份，啲魚多到打邊爐打到尾都仲撈到有魚九孔鮑魚，煮熟左唔會好腥，好爽口彈牙呢到啲手打丸不得了，啲肉打到好黏身，食落好彈牙，最特別係有個梅菜豬肉丸，好有特色好好食滑雞真心夠滑，就算煲左好耐都唔會好鞋口西班牙黑毛豬，肉味香濃，肉質又夠軟身唔會好硬，薄切夾起滾兩滾就食得，好正！油麥菜，加落酸菜魚湯底一流吸晒湯底啲味，唔會晒左個酸菜魚湯底，好食！