無辣不歡 (已結業)

之前試過下午茶時段試過無辣不歡嘅蒜蓉白肉青瓜卷，簡直一試難忘。 今日放工時間再去，嘩，排長龍呢。之前行過見到人哋拎住手撕雞手卷，好吸引呀！今日專登同朋友就係好想試上次念念不忘嘅麻辣手撕雞手卷。$19麻辣手撕雞手卷呢個手卷嘅份量真係驚人，我諗都有差唔多四份一至半碗飯嘅份量，上面擺着滿滿嘅手撕雞，好有光澤，而且啲雞肉一啲都唔鞋口，食咗幾啖之後，個口腔舌頭都充滿咗麻辣嘅味道，真係好惹味呀！食到最後嗰啖，啲麻辣油已經流到底部了。鍾意麻辣一定唔好錯過！