影片
更多
2021-01-26
164 瀏覽
我哋喺屋企附近上上落落，成日都會經過「川之源」。不過有時行近睇餐牌，就會聞到好濃烈嘅辣味，我當時仲未食得辣，所以只好敬而遠之🙈。今個星期五只需要返半日，我哋見餐廳新推出嘅二人套餐好似唔錯，有辣有唔辣，於是就去咗食晏🥢。店員好清晰介紹呢度有乜招牌菜，佢話二人餐比一人餐抵食，而且又豐富啲。喺佢一講之下，午市二人套餐又真係幾吸引啵，特別係我哋揀選嘅套餐A ($248)。因為佢有一款價值較高嘅招牌魚片湯🐟。套餐内嘅三樣項目各有三款選擇。題外話，午市唔收加一。未上食物前，店員先送上熱蕎麥茶🍵，又熱又清香。另一邊廂，餐廳為每枱提供消毒潔手液，衞生措施做到足。涼菜：夫妻肺片，因為係涼拌菜式，份量唔會好多，但亦都唔算少。朋友食完一啖叫我睇下食唔食到，因為都幾辣🌶。佢無講錯，不過辣嘅同時，麻味同鹹味都好出，所以辣得好平衡、好好食😋。呢度嘅「沸片」有牛𦟌同牛肚等，全部都好入味，但略嫌牛肚絲薄咗啲，不過抵讚係夠爽🐮。招牌：蕃茄魚片，食得川菜大部份人應該都會揀水煮或者酸菜口味，不過始終驚小辣都會太辣。最終，我哋揀選咗唔辣嘅蕃茄，味道同樣出色🤤，有意外驚喜。🍅蕃茄湯飲得出絕對唔係用茄膏開，而係用上大量蕃茄煲，有
我哋喺屋企附近上上落落，成日都會經過「川之源」。不過有時行近睇餐牌，就會聞到好濃烈嘅辣味，我當時仲未食得辣，所以只好敬而遠之🙈。
今個星期五只需要返半日，我哋見餐廳新推出嘅二人套餐好似唔錯，有辣有唔辣，於是就去咗食晏🥢。店員好清晰介紹呢度有乜招牌菜，佢話二人餐比一人餐抵食，而且又豐富啲。
喺佢一講之下，午市二人套餐又真係幾吸引啵，特別係我哋揀選嘅套餐A ($248)。因為佢有一款價值較高嘅招牌魚片湯🐟。套餐内嘅三樣項目各有三款選擇。題外話，午市唔收加一。
未上食物前，店員先送上熱蕎麥茶🍵，又熱又清香。另一邊廂，餐廳為每枱提供消毒潔手液，衞生措施做到足。
夫妻肺片
2 瀏覽
0 讚好
0 留言
蕃茄魚片
10 瀏覽
0 讚好
0 留言
清炒油麥菜
2 瀏覽
0 讚好
0 留言
一人一碗白飯大大碗🍚，唔知唔夠有冇得添呢😛。
桂花冰粉
3 瀏覽
0 讚好
0 留言
環境方面，喺門口睇係唔知內裡面積都幾大。餐枱擺位四正，唔迫夾。裝修亦用上燈籠作點綴🏮，帶點中式風格。
總括嚟講，川之源真係嚇我一跳，完全無諗過出品咁高質👍。朋友本身更係鼓起勇氣陪我食，因為佢驚口味係為咗符合附近港大內地生而設，而變得重口味。呢度有辣有唔辣，兩樣都咁好食，佢嘅辣味完全啱我心意。所以我喺門口見到佢賣啲辣椒製品都心郁郁💕。推介🌟！
張貼
