滿江紅小甜甜 (已結業)

要食四川辣野唔一定要幫襯大型連鎖店既，偶然試下d街邊小店都係一個唔錯既選擇👍呢間餐廳外表睇落古色古香，裝修都有d歷史，未食都feel到一陣陣既四川風味🌀我地今次叫左麻辣粉條，麻辣雞煲，火爆牛肉，乾煽四季豆，珍寶青檸樹同菠蘿藍精靈麻辣粉條係冷盤黎，但係浸麻辣香香到似熱食咁，粉條非常爽口，配合埋香口既麻辣汁十分開胃🤩麻辣雞煲算係mini size既，可以當做一個小菜，唔怕食唔晒，呢個煲既麻辣味同粉條果隻係有分別，唔會話食黎食去都係果隻味🙈火爆牛肉聽個名都知辣啦，食落真係辣到噴火，好彩牛肉表面有蜜糖，多一種口感之餘仲可以中和辣味，唔會得個死辣🔥乾煽四季豆就唔辣既，食咁多辣野叫返碟菜調劑一下都好既，個四季豆食落都唔老，正常發揮啦😉珍寶青檸樹係青檸沙冰黎，上枱時都多汁多水，凍冰冰用黎解辣一流🤤菠蘿藍精靈係菠蘿加椰奶特飲，感覺有d似果罐韓國既忌廉溝鮮奶，係幾解渴解辣😛