影片
更多
2016-10-22
890 瀏覽
我最鍾意就係食車仔麵乜、乜、乜。 無論去到邊度， 都要試下該區出名嘅車仔麵。 因為每間車仔麵都有獨特嘅湯底， 獨特嘅醬汁， 同獨特嘅餸。今次想介紹嘅車仔麵， 就係位於元朗大橋街市後面 嘅《合興車仔麵》。元朗嘅車仔麵，一向都係追捧開永X。不過見到元朗啲美食谷成日都有人提及合興車仔麵個辣醬好正。 好辣嘅我一定要去試下。呢間車仔麵舖位好細，最多都係容納坐到二十餘人。 所以不時都會見到店外大排長龍， 可能因為真係太好食， 每個人就算滴曬大汗都要等， 我當然亦唔例外。排緊隊嗰陣，就攞起張點菜紙剔定食啲乜。 嘩！原來有啲餸都幾貴， 魷魚同埋啲牛要成十四蚊一個餸。 其餘嘅蘿蔔咁，都要七蚊個餸。 食得好小小，每碗都要成四十蚊。 值唔值真係要試下先知。今次叫左辣魷魚，豬紅，鹵豆腐，韭菜餃，米粉，中辣。 一見到個辣汁就知唔少野。 唔怪之得人人都讚合興個辣汁好堅。 辣魷魚分開上， 辣汁帶有後勁， 辣味慢慢滲出， 食到我“雪雪”聲。 豬紅幾爽口， 唔會有腥味。 韮菜餃味好濃郁。 鹵豆腐鹵得好入味， 唔會太硬。 中辣果然好堅， 自問自己喺永X食開大辣, 都食到不停要飲冰飲。 不過個辣真係好正， 一路食一路流汗都
今次想介紹嘅車仔麵， 就係位於元朗大橋街市後面 嘅《合興車仔麵》。
元朗嘅車仔麵，一向都係追捧開永X。不過見到元朗啲美食谷成日都有人提及合興車仔麵個辣醬好正。 好辣嘅我一定要去試下。
呢間車仔麵舖位好細，最多都係容納坐到二十餘人。 所以不時都會見到店外大排長龍， 可能因為真係太好食， 每個人就算滴曬大汗都要等， 我當然亦唔例外。
排緊隊嗰陣，就攞起張點菜紙剔定食啲乜。 嘩！原來有啲餸都幾貴， 魷魚同埋啲牛要成十四蚊一個餸。 其餘嘅蘿蔔咁，都要七蚊個餸。 食得好小小，每碗都要成四十蚊。 值唔值真係要試下先知。
今次叫左辣魷魚，豬紅，鹵豆腐，韭菜餃，米粉，中辣。 一見到個辣汁就知唔少野。 唔怪之得人人都讚合興個辣汁好堅。 辣魷魚分開上， 辣汁帶有後勁， 辣味慢慢滲出， 食到我“雪雪”聲。 豬紅幾爽口， 唔會有腥味。 韮菜餃味好濃郁。 鹵豆腐鹵得好入味， 唔會太硬。 中辣果然好堅， 自問自己喺永X食開大辣, 都食到不停要飲冰飲。 不過個辣真係好正， 一路食一路流汗都抵， 好辣嘅朋友，一定唔可以錯過。
唔食得辣嘅朋友， 真係要量力而為。 不過如果唔食辣， 個人認為冇必要幫襯呢間車仔麵， 因為「辣」才是重點。
張貼
