尋麻記

營業中

休息中

因為愛吃辣嘅我，之前已經聽過朋友介紹呢間小店嘅辣好好食，一場嚟到大埔就要將佢帶埋返屋企慢慢享受。晚餐時間，小店都好多人，原來大家都係嚟買便當，後尾問左老闆先知原來係可以叫1個肉3個菜嘅便當<$52>，難怪咁多人買。招牌椒麻雞半隻$88 - 原來雞殼入面係填滿麻椒，難怪會一直食都有麻香味，而且肉質非常嫰滑，下次應該可以挑戰中辣。麻辣藕片$20/100g - 藕片非常脆口，辣味完全足夠。金牌肥腸<中> $42 - 處理得好乾淨完全唔會有陣腥味，而且十分爽口，而且愈食愈辣，非常過癮。藤椒鳳爪$52 - 最喜歡食鳳爪嘅我，忍唔住一定要試埋呢個，仲要係無骨岩哂懶人嘅我，不過辣味相對地冇肥腸咁辣，但都夠麻香。如果呢間小店係開向屋企附近，我相信應該會變成我嘅小飯堂。