嫲嫲辣辣 (福榮街)

營業中

休息中

自從返咗大陸工作後，我變左個辣妹，由以前只係食到少少辣嘅湘菜,到而家無辣不歡，無論辣子雞定係火紅紅嘅麻辣火鍋，通通都係我至愛，全部要夠麻、夠辣先興奮，再咁食落去我唸我舌頭都開始麻痺了。不過食辣真係會上癮，聽聞深水埗而家好多外省菜，今日就專程去食川菜麻辣乾鍋，聽個名已經吸引到我-嫲嫲辣辣。呢度地方好細坐位唔多，好彩一早訂定位啫，唔係都唔駛旨意有位。呢度出名乾鍋，我都想試下咩嚟，真係喺大陸都未試過。個菜牌好似點車仔麵咁，點選幾款菜式，有肉、有菜、有內臟，有大中小辣可供選擇，我地初試牛刀，都係要個小辣先啦。我地點左木耳、雞件、豬大腸。一嚟到就聞到好香，見到面頭有好多辣椒乾已經好吸引。呢個干鍋用左大蔥、乾辣椒、花椒等香料，確實係炒得好惹味，而且火喉岩岩好，唔會太乾又能鎖住食物嘅味道，有少少辣又有點麻，相信好多人可以接受到魚香茄子，燒茄子淋上肉醬，送飯唔錯拍青瓜，無味，無北方菜館嘅麻油和醋香，比我自己整得還差，價錢又唔平稻草骨，味道幾香口，但覺得唔夠乾身