小辣椒 (已結業)

小辣椒想近近地食下辣野，就黍到北角。水煮龍利，因為第一次幫襯，想試吓佢個水煮魚湯底係咪真材實料先，所以叫龍利，又可以啖啖肉。不過龍利唔係好入味，同水煮辣味唔係好夾，下次都係叫返桂花魚。個水煮辣味其實唔錯，唔會得個咸字，又唔會成碗係辣椒油，辣椒香聞落好舒服，辣味程度可以再強勁啲。再叫多碗酸辣粉，仲要求大辣，(因為水煮魚唔夠辣)。可惜個酸辣粉個湯底係勁酸，同埋唔夠辣。啲薯粉煙煙銀銀，口感好好。即使係晚上10點幾，仍然好多人，而且越夜越多，原來餐廳係經營到凌晨5:00。除咗我哋嗰桶基本上每枱都有叫大支啤酒，甚至會有人喺度猜枚，好熱鬧。呢度未必適合情侶拍下拖食下飯，一大班人嚟食就好岩。