影片
更多
2014-06-14
2365 瀏覽
一知道亞坤係香港開左就雙眼發光👀要試下傳說中嘅咖咉多！位置好就腳 就係係舊delifrance果個位！ 但shocked嘅係， 係一個星期四嘅下午1點半去到 條隊都排都轉左彎！ 目測應該等半個鐘至九個字啦 所以就決定係呢個烈日當空嘅中午都照等！ 再睇清楚 原來排緊呢條係買野食嘅 要自己再揾位！ 座位唔算爆 買完野食都會有位座 所以朋友遲到都唔緊要 繼續排！ 朋友打黎先驚覺向前嘅距離維持十步以内！排左半個鐘，都只係轉左個彎仔！ 有啲不解點解剩係落單都要咁耐！最後足足排左一個鐘先落到單！ 不敢想象假日黎朝拜嘅朋友究竟要排幾耐！係呢段朝拜高峰期大家要做好心理準備！飲品餐具落完單自己拎 野食會隨後送上因為新開張嘅關係 好多野都未有最後叫左咖咉牛油多士 Kaya butter toast $18: 6分本店嘅名物，但係就有啲失望! 原全冇試食嘅評論講到咁amazing!可能期望過高啦！ 麵包脆但太薄好似冇食到咩咁 咖咉太少 食唔到咩味 可以慷慨啲 牛油就太多 成個toast就好似食牛油一樣😔同唔係好夠熱 相對新加坡版嘅三層就就走左啲味啦...咖咉花生醬蒸包Kaya peanut butter s
一知道亞坤係香港開左就雙眼發光👀要試下傳說中嘅咖咉多！
位置好就腳 就係係舊delifrance果個位！ 但shocked嘅係， 係一個星期四嘅下午1點半去到 條隊都排都轉左彎！ 目測應該等半個鐘至九個字啦 所以就決定係呢個烈日當空嘅中午都照等！ 再睇清楚 原來排緊呢條係買野食嘅 要自己再揾位！ 座位唔算爆 買完野食都會有位座 所以朋友遲到都唔緊要 繼續排！
朋友打黎先驚覺向前嘅距離維持十步以内！排左半個鐘，都只係轉左個彎仔！ 有啲不解點解剩係落單都要咁耐！最後足足排左一個鐘先落到單！ 不敢想象假日黎朝拜嘅朋友究竟要排幾耐！係呢段朝拜高峰期大家要做好心理準備！
飲品餐具落完單自己拎 野食會隨後送上
因為新開張嘅關係 好多野都未有
最後叫左咖咉牛油多士 Kaya butter toast $18: 6分
本店嘅名物，但係就有啲失望! 原全冇試食嘅評論講到咁amazing!可能期望過高啦！ 麵包脆但太薄好似冇食到咩咁 咖咉太少 食唔到咩味 可以慷慨啲 牛油就太多 成個toast就好似食牛油一樣😔同唔係好夠熱 相對新加坡版嘅三層就就走左啲味啦...
咖咉花生醬蒸包Kaya peanut butter steamed bread $18: 6分
香港先有嘅蒸包 麵包就厚過toast食落有質感啲 但係咖咉都係少 完全俾花生醬味蓋過 冇咩特別
咖喱喇沙蝦麵Curry laksa $42： 6分
對佢好有期望點知....冇乜蝦味 唔鮮甜 得椰汁同辣味 辣就夠辣 唔係好食得辣嘅朋友可以就唔係好啱啦！ 最慘嘅係 啲瀨粉完全冇味.... 可以係分開烚... 最後用左下面滷麵嘅汁撈 撈完就幾好食
馬來西亞滷麵 Malaysian Mee Rebus $38: 8分
成餐最好食嘅一個 個汁好重花生同甜醬味 辣味亦夠 夠香！ 甜甜地中和番 唔食得太辣嘅朋友呢個可能比較啱！汁亦相當充足 可以撈番喇沙嘅瀨粉 不過如果蛋麵麵身硬番少少就更好啦！
半熟蛋Signature egg $10：6分
新加坡食法：加上新加坡黑人豉油（味道較香港嘅苦同傑但濃味 所以唔好落咁多呀 一小匙就夠！）一向鐘意食米熟蛋 但都係冇咩特別 冇話好唔好食 屋企都整到...
奶茶Signature T'eh $22：7分
香滑 加上練奶有啲太甜 不過又唔係想象中咁好飲 都係唔吸引唔到我再飲嘅意慾....
咖啡Signature coffee $22：7分
咖啡味都香嘅 都係加練奶
Conclusion: um....唔係真係話好好味好特別...中規中舉啦...唔抱咁大期望可能會好啲！ 不過如果想試都係等朝聖期過左先去會好啲！
張貼
