Dodam Chicken (1亞太中心) (已結業)

本人自幼家貧，十分珍惜糧食。今次係出生以來第一次食剩嘢，覺得好對唔住自己辛辛苦苦賺翻黎既血汗錢。 首先，半份炸雞放上枱，得6件，每件size都唔大。份量少都算，仲要極為普通，肉質好乾。唔理解俾正評既人係咩味覺，真心搞唔掂，寧願食kfc，m記。從來未食過咁差既韓國炸雞，難為餐廳名有Chicken呢個字，logo仲係隻雞。 然後係個芝士泡菜炒飯，味道有種說不出的奇怪，仲要越食越鹹，鹹到食唔落嗰種。口感好淋，完全唔似食緊炒飯，似食緊bb輔食。本身想忍痛食埋，但堅持唔住。 唉😮‍💨 想試下有幾伏既就黎啦。完！ 咁既質素仲要三百幾，哭𠹌咗！今次真係完！