影片
更多
2023-01-16
612 瀏覽
爆膏斑馬瀨尿蝦🦐三年海鮮燉飯🦀罕見烤地鷄刺身！-係黎呢到前一個禮拜，田中訓緊晏覺收到電話，有個師傅打黎問想食咩，傾完一輪，未訓醒嘅田中收線先醒起，就係呢間私房小店。佢地為咗了解客人喜好，師傅都會親自打黎，無論想食罕見食材，或者全由師傅發辦都得。而用餐時亦會全程講解，呢種私房形式，真係極難搵到第二間。-🍱Tailor made menu ($600-$1500/位起)1️⃣其實Menu價錢由客人製定，如果想試更多，例如上圖嘅溏心斑馬賴尿蝦咁，亦可以同師傅溝通Budget，例如田中呢次咁，就大約$1200一位。2️⃣可能大家會覺得有啲似Omakase，但其實係師傅設計發辦嘅私房菜式，另外佢地亦唔係主打壽司，而係主打獨有自創菜式、自家手工熟成刺身，同埋各種海鮮料理。-前菜🥢焦糖鮟鱇魚肝、沖繩水雲、高野豆腐 (昆布大根)刺身🥢長崎深海池魚 (熟成5日 腩位)🥢長崎火炙竹籤魚 (熟成3日 海鹽)🥢厚切秋刀魚 (九州蔥 薑蓉)🥢北海道鰤魚 (熟成4日 柚子朝椒)🥢北海道象拔蚌 (前中後三個部位)🥢北海道火炙醬油潰銀鱈魚🥢蛇腹托羅 (熟成6日)正如上邊提到，自家手工熟成刺身係主打之一，由師傅親手製作，而唔係
-
係黎呢到前一個禮拜，田中訓緊晏覺收到電話，有個師傅打黎問想食咩，傾完一輪，未訓醒嘅田中收線先醒起，就係呢間私房小店。
佢地為咗了解客人喜好，師傅都會親自打黎，無論想食罕見食材，或者全由師傅發辦都得。而用餐時亦會全程講解，呢種私房形式，真係極難搵到第二間。
-
🍱Tailor made menu ($600-$1500/位起)
1️⃣其實Menu價錢由客人製定，如果想試更多，例如上圖嘅溏心斑馬賴尿蝦咁，亦可以同師傅溝通Budget，例如田中呢次咁，就大約$1200一位。
2️⃣可能大家會覺得有啲似Omakase，但其實係師傅設計發辦嘅私房菜式，另外佢地亦唔係主打壽司，而係主打獨有自創菜式、自家手工熟成刺身，同埋各種海鮮料理。
-
前菜
🥢焦糖鮟鱇魚肝、沖繩水雲、高野豆腐 (昆布大根)
刺身
🥢長崎深海池魚 (熟成5日 腩位)
🥢長崎火炙竹籤魚 (熟成3日 海鹽)
🥢厚切秋刀魚 (九州蔥 薑蓉)
🥢北海道鰤魚 (熟成4日 柚子朝椒)
🥢北海道象拔蚌 (前中後三個部位)
🥢北海道火炙醬油潰銀鱈魚
🥢蛇腹托羅 (熟成6日)
正如上邊提到，自家手工熟成刺身係主打之一，由師傅親手製作，而唔係熟成機製，考驗功架同技術控制，提煉谷氨酸鮮味，培養出魚料脂香，更顯得鮮香濃郁。
🥢流心斑馬瀨尿蝦 (約$500一隻 兩位用)
招牌重點之一，斑馬瀨尿蝦一向大隻多膏，佢地特意煮得恰到好處，做到蝦膏流心嘅效果，甘香又鮮味濃郁，極為幸福。
🥢左口魚邊壽司 (醬油漬、火炙)
🥢鯖魚卷
全餐唯二壽司，前者一向肥美軟腍，脂香極豐富，後者特意配上壽司薑，而唔係昆布，更顯清爽酸甜，係田中最愛之一。
-
🥢高知縣蘿蔔沙律
少有地用上蘿蔔薄片，極爽口多汁，拌上沙律醬、辣炸蒜、木魚碎同醬汁，層次令人非常難忘，而且出邊亦未曾食過。
🥢松葉蟹多士
極澎湃松葉蟹肉，用上Sake味醂煮酒醬汁，提取清酒嘅甜度，再同其他配料拌埋，絕對係出邊少有嘅味道。
-
🥢烤九州地雞刺身
香港極少見雞肉刺身，烤至約5-7成熟，外脆又鎖緊肉汁，入口極為香嫩，當然大家想試更生嘅話，可以同師傅預先講定
🥢三年半特製海鮮飯
招牌之一，係師傅開店三年半以黎，每日用上各種蝦蟹、瀨尿蝦、鮮魚骨煲成湯膽，加入麵豉提鮮去腥，再混入炸蒜，鮮味極為濃郁，就似食緊海鮮一樣。
-
甜品
🥢特別訂造日本紅豆雪糕、柚子芝士蛋糕、朱古力布朗尼
🍶清酒Sake
從佢地Menu就知，唔係少見嘅佢地唔做，而呢到嘅Sake都一樣，價錢唔貴，但師傅親自挑選，而且都係獨特少見。
張貼
