東方食神 (已結業)

車仔麵最重要係咩，係平！！！平民食物如果要6/70蚊，咁其實已經失去左意義，如果貴得來又要唔好食，就真係喊出來。東方夜神就無lee 個問題，$30 三餸一麵，仲要包野飲（除左凍豆漿，凍飲+$2），真係不能要求更多。我叫左雞中翼牛腩牛柏葉河粉，湯底唔錯，中辣嘅辣汁都夠味，餸嘅份量好夠，無唔抵嘅感覺，麵都大碗。牛柏葉好爽口，不過始終白色係製過，有dd 化學味，牛腩正常，雞中翼最有誠意，煎過，幾香。寶寶碗蘿蔔豬紅辣魚蛋幼麵，蘿蔔夠淋，不過可以再入味d，豬紅好夠味，正，魚蛋都好食。