泰角海南雞 (已易手) 新餐廳

今日番工好忙好辛苦，遲左成個鐘放飯，晚餐時間決定同同事食好d。起女人街見到呢間新開泰國餐廳，見到$38有個晚飯。貪平入去試試先～餐牌唔係有好多款式揀，主力賣3款飯：海南雞飯、炸雞扒飯、沙嗲串燒飯。我地3個人決定食豪dd，點左一個二人餐再加一個飯share。二人餐轉泰式飲品加＄6，單點飯就加＄12。椰汁珍多冰，幾大杯幾好飲。豬肉串好食，唔鞋口，點沙嗲汁👍 有成8串。炸蝦餅，食落去似魚餅多啲 。海南雞飯，普通冇乜特別。脆炸雞扒飯，第一次上見到d雞扒未熟哂，幫我換過份新 都係普通炸雞扒飯冇乜特別。泰式千層糕，好似食緊茉莉花hand cream 。買單每人$70