影片
更多
2023-09-19
1205 瀏覽
🖤黑白配⚪️情人節都出過post介紹日山，今次再度回訪出一個「竹」set嘅食評😚環境真係無得輸，望住維港，而且餐廳用餐氣氛十分寧靜，可以靜靜欣賞美麗嘅香港今次8人同行包咗間房，想一讚服務態度真係超好👍職員除咗用心介紹每道菜，用餐期間都會留意每一位食客嘅一舉一動，包括留意朋友唔食生嘢會建議生雞蛋另上，又留意到餐巾跌咗地幫手換過條等等，好窩心❤️日山·竹 $998季節前菜三品盛蕃茄啫喱、蔬菜、牛腩店員建議要順着呢個次序去食，啫喱酸酸甜甜開一開個胃先，秋葵同粟米仔包住一啲山藥做嘅醬汁，之後個牛腩好淋，一啲臊味都冇壽司三品盛季節魚壽司、鵝肝A5和牛壽司、海膽A5和牛吞拿魚壽司和牛入口即溶，加埋鵝肝有松露油做點綴，入口滿滿油脂香氣海膽新鮮，半點腥味都唔會有😌逸品海老生薑煮、火炙帆立貝壽喜燒A5和牛嚴選西冷部位2片和牛會由店員烹調好先至會送上，烹調之前都會向客人介紹，和牛雪花好平均好靚，可以選擇五成或七成熟和牛配上日本蛋漿，又係入口即溶，雞蛋味唔會蓋過和牛，每一啖都好幸福😚雖然只有兩片，但都幾大片，所以食到第2塊時已經開始飽到滯😂野菜5品盛日本米飯、漬物、味噌湯可以揀飯或者稻庭烏冬，🖤黑白配⚪️建議揀飯
環境真係無得輸，望住維港，而且餐廳用餐氣氛十分寧靜，可以靜靜欣賞美麗嘅香港
今次8人同行包咗間房，想一讚服務態度真係超好👍職員除咗用心介紹每道菜，用餐期間都會留意每一位食客嘅一舉一動，包括留意朋友唔食生嘢會建議生雞蛋另上，又留意到餐巾跌咗地幫手換過條等等，好窩心❤️
日山·竹 $998
季節前菜三品盛
蕃茄啫喱、蔬菜、牛腩
店員建議要順着呢個次序去食，啫喱酸酸甜甜開一開個胃先，秋葵同粟米仔包住一啲山藥做嘅醬汁，之後個牛腩好淋，一啲臊味都冇
壽司三品盛
季節魚壽司、鵝肝A5和牛壽司、海膽A5和牛吞拿魚壽司
和牛入口即溶，加埋鵝肝有松露油做點綴，入口滿滿油脂香氣
海膽新鮮，半點腥味都唔會有😌
逸品
海老生薑煮、火炙帆立貝
壽喜燒
A5和牛嚴選西冷部位2片
和牛會由店員烹調好先至會送上，烹調之前都會向客人介紹，和牛雪花好平均好靚，可以選擇五成或七成熟
和牛配上日本蛋漿，又係入口即溶，雞蛋味唔會蓋過和牛，每一啖都好幸福😚
雖然只有兩片，但都幾大片，所以食到第2塊時已經開始飽到滯😂
野菜5品盛
日本米飯、漬物、味噌湯
可以揀飯或者稻庭烏冬，🖤黑白配⚪️建議揀飯，要用蛋汁撈飯絕配👍
精選甜點
士多啤梨紅豆大福有驚喜，不太甜，一口吃煙韌嘅糯米皮、紅豆蓉同士多啤梨🍓，口感十分豐富
張貼
