而立 (已結業)

係一個偶然既機會，我去左荃灣一間咖啡店 ~ Browny Cafe，一間好細既咖啡店但不斷卑好多對咖啡有興趣既朋友係個度一邊打工一邊學沖咖啡，「而立」既老闆娘雲妮就係其中一個，得知佢係銅鑼灣開店，一定要去捧場地點係銅鑼灣電業城，Sogo隔離，咖啡店個位置係有d難搵既，因為係縮左入去，不過個把親切既聲音，你係會好快認到，店舖雖然唔大，簡約既裝修，簡單既擺設已經卑到我寧靜舒適既感覺肉桂卷雲妮手造的，肉桂卷會預熱返，入面有提子乾，上面白色既係乳酪，酸酸甜甜好夾，無諗過乳酪同肉桂卷係夾到，而肉桂既味道岩岩好，唔太重，好食手沖咖啡揀左Ethiopia日曬既咖啡豆，Ethi 既豆一向都有果香味，呢款果味好爆，放涼後再飲酸度更明亮由Browny，網店，再到有自己咖啡店，真係好戥佢開心，亦都好欣賞佢對咖啡同烘焙既熱誠，為左追夢堅持不懈，啡好飲，卷好食，淨係呢樣都已經值得支持👍🏼