自家甜品

營業中

休息中

上年去過食下午茶好好食，今日又去不過夜晚。八點幾未開門，心谂"唔係撞板呀嘛！"於是打電話問。原來改左九點先開門。一場泥到唔甘心，天氣又涼所以行左一個鐘再去(如果係夏天就走人)。去到好多野食無左但多左好多熟食。叫左朱古力棉花冰，朱古力慕士，同朱古力雪糕火鍋($98)。朱古力棉花冰同以前一樣朱古力味濃但唔夠棉。好似細碗左，唔知係米錯覺？之後朱古力慕士，好難食！同以前相反，以前又軟又濃又滑，而家又硬又油又漏，食左半杯無食。最後個火鍋，食得出係用平價朱古力，唔知點解會痴牙同埋好甜。點埋d雪糕食陣味好怪。d雪糕一吉就裂，浸落d朱古力就不知所終。我谂如果d雪糕係圓形應該會好好多。下次應該唔會再泥！