巴西燒烤餐廳 (已結業)

早幾年食過都唔差，諗住再試下啦！我哋係食消夜時段，每位＄６８。一入去明明有好多卡位都唔比我，又話有人ＢＯＯＫ咗！Ｄ侍應態度好差，好悔氣咁攞Ｄ巴西燒問你要唔要！又無表情，問佢嘢又唔答！Ｄ嘢食又夠難食！我自問要求唔高，但係都要食到先得架！件豬扒硬到無辦法咬得開！冷氣勁凍，好似想趕你走咁！個日係星期日，食到一半有半個場都係吉嘅！我唔明佢點解安排唔到卡位比我囉！終於明白點解執剩呢一間！我以後唔會再去！