Rempah Noodles

營業中

休息中

收工同同事去附近餐廳食，最後揀咗Rempah Noodles，佢主打新加坡喇沙菜同咖央多士，呢兩樣食物吸引到好多人慕名而來。我地一行三人，於大概6:30pm入座，當時店內仲有唔少座位，但店員就刻意安排我地坐入一行平排嘅bar枱位，當下即時要求換座， 大佬三個人約食飯，你安排一張並列嘅bar枱位俾人客？有無考慮過三位客人點傾偈？何況當時店內又唔係無其他空位......經協商下，餐廳好快為我地安排咗另一張正常少少嘅四人座，可以2 : 1咁對住食。但第一印象嚟講已經扣哂分。環境方面，店內空間不大，但夠新淨明亮，最記得係餐廳正中嘅餐桌上放咗一個大花樽，入面插咗幾枝鮮花，點綴空間，非常優美。裝修以白色、黑色為主調，加上好多擺設、食具都係以透明器皿為主，格調簡單、鮮明，有少少似走入咗一間藝術館進食。一句總結：環境非常適合食客打卡。食物方面，我嗌咗娘惹濃厚喇沙($98)，湯底濃郁，米線太淋，麵同海鮮份量太少，性價比低；可取之處係擺盤極美，絕對係一碗適合打卡嘅新加坡喇沙。喜歡打卡嘅朋友絕對適合嚟試下，但個人嚟講就覺得有少少華而不實，唔會再食第二次了。