影片
更多
2018-02-08
192 瀏覽
我隻青蛙仔成日冇返屋企了，今次又唔知去左邊到玩，check 左幾次信箱都收唔到佢D明信片，到底使唔使等佢門？而家開始了解為人父母的心情，面對仔大女大無尾飛陀果種無奈。所以今日自動舉手做阿四，幫阿媽買呢樣買嗰樣預備過年。然後再帶佢去試新野，趁著過年前好好孝敬吓佢老人家。成個禮拜都Keep住凍，近排都已經成日打邊爐，椰子雞煲食咗、粥底火鍋又食過、連紙火鍋都唔放過。但溫度都仍然徘徊喺單位數字，而我個人仍然都係好凍，睇來都要再來D 更 hot 既野。所以我就帶咗佢去附近嗰間新開嘅火鍋店試吓，有幾次行過都已經聞到好香嘅麻子味，今日咁凍一於去食麻辣鍋。再望吓餐牌原來有鴛鴦窩揀，有辣有唔辣啱晒我哋。我哋叫咗招牌牛油紅湯窩＋粟米豬軟骨窩 $138。 混醬時間，店員仲俾咗兩樽特製麻油我地，話用來配合麻辣鍋食會調和到辣味。印度人識用乳酪剋制咖哩；中國人都會用香油來減低麻辣對舌頭同腸胃的刺激度，令大家食得更盡興。話咁快，鴛鴦鍋上枱了，旁邊仲有一條年糕魚形狀的芒果布甸。吓？我地冇叫甜品喎！原來店員話條魚係秘製牛油，係用來放响麻辣鍋入面，係佢哋嘅招牌食法，令佢更加好味。然後佢就幫我地放左條牛油魚入鍋，嘩！ 好邪
而家開始了解為人父母的心情，面對仔大女大無尾飛陀果種無奈。所以今日自動舉手做阿四，幫阿媽買呢樣買嗰樣預備過年。然後再帶佢去試新野，趁著過年前好好孝敬吓佢老人家。
成個禮拜都Keep住凍，近排都已經成日打邊爐，椰子雞煲食咗、粥底火鍋又食過、連紙火鍋都唔放過。但溫度都仍然徘徊喺單位數字，而我個人仍然都係好凍，睇來都要再來D 更 hot 既野。所以我就帶咗佢去附近嗰間新開嘅火鍋店試吓，有幾次行過都已經聞到好香嘅麻子味，今日咁凍一於去食麻辣鍋。
再望吓餐牌原來有鴛鴦窩揀，有辣有唔辣啱晒我哋。我哋叫咗招牌牛油紅湯窩＋粟米豬軟骨窩 $138。
混醬時間，店員仲俾咗兩樽特製麻油我地，話用來配合麻辣鍋食會調和到辣味。印度人識用乳酪剋制咖哩；中國人都會用香油來減低麻辣對舌頭同腸胃的刺激度，令大家食得更盡興。
話咁快，鴛鴦鍋上枱了，旁邊仲有一條年糕魚形狀的芒果布甸。吓？我地冇叫甜品喎！
招牌牛油紅湯窩＋粟米豬軟骨窩
$138
13 瀏覽
0 讚好
0 留言
原來店員話條魚係秘製牛油，係用來放响麻辣鍋入面，係佢哋嘅招牌食法，令佢更加好味。然後佢就幫我地放左條牛油魚入鍋，嘩！ 好邪惡呀！湯底滾起左，我地真係聞到好正麻辣燙的香味，完全係我之前去成都食麻辣燙的香味呀，正呀！睇睇佢啲料，真係鋪滿曬辣椒啦、麻子啦、花椒八角同埋好多川式香料添呀，真係好正宗喎！
我哋即刻點左傳統嘅麻辣燙partner毛肚黑柏葉、豬紅同埋薯粉，來食呢個麻辣鍋。因為我哋叫咗小辣嘅關係，所以呢鍋係超級香少少辣，啱晒我哋呢啲又想過癮又怕辣嘅人。黑柏葉只要煮十秒左右就食得㗎啦，爽口彈牙。而豬紅呢就要煮耐少少令佢淋身D，再加上薯粉索晒啲麻辣味，我哋自製呢款港式毛血旺，簡直正到痹。
毛肚黑柏葉
$78
16 瀏覽
0 讚好
0 留言
豬紅
$28
20 瀏覽
0 讚好
0 留言
紅薯粉
$28
14 瀏覽
0 讚好
0 留言
而另外一邊嘅粟米豬軟骨鍋呢，亦都唔輸蝕喎。雖然佢嘅香味俾麻辣鍋蓋過左，但係原來佢用咗新鮮豬軟骨同埋豬筒骨來煮，食落有好濃豬骨味㗎。我哋專登叫咗皇帝菜、脆肉鯇同埋牛柳粒來伴呢個豬骨鍋，用靚湯底烚下烚下，所以令到D材料都特別鮮甜。鍋入邊嘅豬骨豬都有成五至六件，食完超飽。皇帝菜好新鮮，脆肉鯇骨腩好彈牙，唯獨牛柳粒有少少韌，但牛味濃。
本地牛柳粒
$78
11 瀏覽
0 讚好
0 留言
脆肉鯇骨腩
$68
17 瀏覽
0 讚好
0 留言
店內仲提供熱辣辣又好香嘅玄米茶，啱晒我哋去油解膩，連汽水果汁都使叫。
呢個時候見到青蛙仔返嚟啦，佢就响草津溫泉買咗溫泉饅頭俾我添！
食完呢餐麻辣鍋即刻成身暖曬，今個星期以來第一次覺得，呢個冬天都唔係好凍啫。
張貼
