蟹麵膳 (已結業)

今晚同朋友到呢度食晚餐，我哋已是第二次幫襯，這兒的蟹泡飯令人心思思要繼續嚟食 。這間店子大，尚算乾淨。老板有講有笑，十分親切 。  蟹泡飯($250)- 賣相一流，泡飯鮮甜可口，真係一試難忘 。我哋也想不通它點解會咁鮮甜，今日同老板傾一傾，才知除了原隻新鮮中蟹，還有大頭虾海鮮湯底，唔怪得之咁好味啦，值得一讚 。 珍珠蜆($78)- 細細粒，但十分肥美，鮮甜可口 ，又冇沙。今日試咗韓式煮，少少辣，但我哋比較喜歡上次清酒煮多一點，因為更清甜 。不過試新口味也不錯。 炸蝦餅($30)-有蝦味又彈口，不錯。