影片
更多
2021-10-29
908 瀏覽
自己都成日嚟荃灣去搵食，但平時都係去海壩街附近食泰國野，今日就專誠入黎食西班牙菜。食西班牙菜，其實香港有好多唔少出名嘅餐廳，之前嘅食評都寫過，今日就去呢間La Postre試一試。餐廳位於荃灣廣場地庫B1層，餐廳面積都算大，職員嘅服務態度亦都好好，會根據你當日想食嘅口味推薦相關菜式。餐具擺設亦都唔失禮，精緻。嚟到西班牙餐廳，我一定會試佢地嘅Tapas，因為我以前係西班牙住過，所以一試Tapas就是西班牙餐廳正宗唔正宗。佢呢到嘅Set係$138 for 3。我自己每次都一定會叫Iberico；青椒同埋清酒蜆，去睇一間餐廳嘅功架。呢一款西班牙多士拼盤：多士有齊三種口味，分別係沙甸魚、車厘茄、Parma Ham，車厘茄烤過再配埋香草，去除左陣酸味；沙甸魚略帶濃味但有魚香；Parma Ham鹹度適中，不過不失。之後呢款西班牙蒜香甜椒仔🫑，相信應該係好多西班牙餐廳嘅常見菜式，小青椒用油炸過，再配上蒜蓉，清新得黎唔寡。再之後係拎入嚟清酒煮蜆，凍食，蜆嘅沙圖得乾淨，醬味微甜，有少酒香，加埋檸檬汁，更提升蜆嘅清新，帶出鮮味。之後我叫咗個黑松露蘑菇湯，$88，濃香嘅牛油熱炒多款蘑菇，再配上黑松露，之後加
自己都成日嚟荃灣去搵食，但平時都係去海壩街附近食泰國野，今日就專誠入黎食西班牙菜。食西班牙菜，其實香港有好多唔少出名嘅餐廳，之前嘅食評都寫過，今日就去呢間La Postre試一試。
餐廳位於荃灣廣場地庫B1層，餐廳面積都算大，職員嘅服務態度亦都好好，會根據你當日想食嘅口味推薦相關菜式。
餐具擺設亦都唔失禮，精緻。
嚟到西班牙餐廳，我一定會試佢地嘅Tapas，因為我以前係西班牙住過，所以一試Tapas就是西班牙餐廳正宗唔正宗。
佢呢到嘅Set係$138 for 3。我自己每次都一定會叫Iberico；青椒同埋清酒蜆，去睇一間餐廳嘅功架。
呢一款西班牙多士拼盤：
多士有齊三種口味，分別係沙甸魚、車厘茄、Parma Ham，車厘茄烤過再配埋香草，去除左陣酸味；沙甸魚略帶濃味但有魚香；Parma Ham鹹度適中，不過不失。
之後呢款西班牙蒜香甜椒仔🫑，相信應該係好多西班牙餐廳嘅常見菜式，小青椒用油炸過，再配上蒜蓉，清新得黎唔寡。
再之後係拎入嚟清酒煮蜆，凍食，蜆嘅沙圖得乾淨，醬味微甜，有少酒香，加埋檸檬汁，更提升蜆嘅清新，帶出鮮味。
之後我叫咗個黑松露蘑菇湯，$88，濃香嘅牛油熱炒多款蘑菇，再配上黑松露，之後加上忌廉同水熱煮成呢碗濃湯。
份量不算多，但我覺得足夠，再多嘅話就會顯得肥膩。
呢一杯鬼異眼球係萬聖節特飲，主要係椰奶配上士多啤梨同埋藍莓糖漿，攪拌後就飲得，唔太甜，鍾意夜奶嘅朋友應該都覺得還好，但我就略嫌有啲寡。
之後叫左個香蒜啤酒煮蠔配蒜蓉包，$188，蠔🦪我覺得係整得OK嘅。一份有6-8粒，足夠兩個人食。
張貼
