鮨廷 (已結業)

當突如其來來食Omakase又無book定枱有咩選擇？由尖沙咀站金馬倫道行3分鐘嘅距離，有間叫「鮨廷」壽司店。雖然店面不太，座位都吧枱為主，主打日式高級壽司，即叫即做，速食但質素高。我朋友坐下，茶也有兩款 分別是玄米茶和麥茶。朋友點了散叫，而我就試吓壽司八貫定食。落單後師傅都很快預備好。朋友是愛蝦之人，她點了三款蝦，師傅也很用心咁一次過奉上。分別是赤蝦、甜蝦，牡丹蝦，前面的牡丹蝦爽口彈牙，沒有令人失望。左口魚邊充滿油的甘香，食落焦香味撲鼻，令人有encore的衝動！三文魚籽經過醬油漬過，很香濃帆立貝鮮甜可口，啖啖肉很滿足鯛魚加上烏魚籽，口感特別！爽口彈牙的北寄貝，比起其他魚相對失色，但也很好吃。油甘魚腩好精彩，肉質比起一般油甘魚更肥美！整體來說，鮨廷的質素都算中上。以尖沙咀的黃金地段來說，突然想食omakase但book唔切都係一個好的選擇。地方夠哂方便，而且行完街食都好易搵到。價錢中上，支持一下小店也不錯！