詩餅坊

營業中

休息中

呢一間甜餅舖頭喺西環都相當之出名，啱啱朋友經過，就買咗兩件俾我試吓味啦。一款係紅桑子，令一款係石板街朱古力。睇甜品嘅外表就知道手工有幾精緻，石板街朱古力上面鋪上好多棉花糖，而棉花糖上面配有脆皮朱古力，甜品師傅冇用到朱古力醬，令到甜品嘅賣相維持得非常完好。食落去朱古力味都幾重，而且唔會太甜太流，不過我就嫌中間內層冇乜層次感。另一款紅桑子就相對地比較清新少少，撻上既擺放都相當考究，唔會話食完一粒其他就跌晒落地下。呢款撻點中間有一層吉士醬，幾好味！但個牛油撻皮呢就有少少太乾身，食完就需要飲啖水啦！總括來講，都係一間有水準嘅西餅店。