台灣ET鹽水雞 (已結業)

每次去台灣旅行都會去夜市買食鹽水雞，因為可以揀好多唔同種類嘅配料，而且佢個味道好惹味，又價錢相宜，真係啱晒做宵夜。而喺香港，有得賣鹽水雞嘅鋪頭唔算多，ET 鹽水雞就係其中一間，估計係特許經營店。最近佢就喺大圍既搵食市集開左分店。一份二人鹽水雞套餐要$75，除咗有雞之外，仲會配左洋蔥，另外可以自選三款配料。今次我就選擇左牛柏葉，雞腎，同青瓜。每次食鹽水雞我都一定會叫青瓜，因為真係好夾，爽脆既口感配雞肉，絕配。佢另外可以再加錢配台式麵或者飯，有興趣可以試埋