影片
更多
2024-10-17
80 瀏覽
好耐冇食過烤魚喇！今次同朋友喺香港試咗我要烤魚，唔使北上都食到地道風味，仲有超多串燒揀 🔥 呢度嘅魚唔止大條 🐟，湯底選擇算多：重慶麻辣、萬州香辣、酸辣金湯，連怕辣嘅人都有得揀番茄湯底！店員仲會主動派圍裙，等客人食得開心又唔駛擔心整污糟件衫 👕 我哋揀咗酸辣金湯酸菜烤魚 ($298) 小辣，魚可以揀鱸魚或清江魚。我哋嗌咗第一次食嘅 #清江魚，肉質嫩滑，完全冇泥味同腥味，魚皮香口、魚油豐富！酸辣金湯底夠惹味，仲有 6 款配菜：土豆片、黑魔芋、萵荀片、蓮藕片、娃娃菜同芽菜，全部吸滿湯汁，愈食愈好味 👅💦 除咗烤魚，火鍋配料都有特色！玫瑰露鵝腸 ($48) 必試！鵝腸入味又唔肥膩，煮熟後仲帶住玫瑰香，好食 🌹 鮮牛骨髓 ($48) 滑嘟嘟無異味又滋補，食得開心又滿足 🤤🍢 呢度嘅串燒唔同其他地方，每款都有獨特風味，燒得啱啱好：🦪 陀地燒生蠔 ($12) 香辣蒜蓉加洋蔥，微辣夠惹味。🍆 燒茄子 ($32) 舖滿蒜蓉同孜然粒，香口入味。🥢 孜然蒜蓉豆皮串 ($12) 裡面包住菜甫同蒜蓉，完全唔似平時食到嘅豆皮！🦑 泰式墨魚鬚 ($16) 泰式汁令墨魚鬚更好味，初頭誤會咗係魷魚鬚 😆~笑4！🐷 泰
呢度嘅魚唔止大條 🐟，湯底選擇算多：重慶麻辣、萬州香辣、酸辣金湯，連怕辣嘅人都有得揀番茄湯底！店員仲會主動派圍裙，等客人食得開心又唔駛擔心整污糟件衫 👕
我哋揀咗酸辣金湯酸菜烤魚 ($298) 小辣，魚可以揀鱸魚或清江魚。我哋嗌咗第一次食嘅 #清江魚，肉質嫩滑，完全冇泥味同腥味，魚皮香口、魚油豐富！酸辣金湯底夠惹味，仲有 6 款配菜：土豆片、黑魔芋、萵荀片、蓮藕片、娃娃菜同芽菜，全部吸滿湯汁，愈食愈好味 👅💦
除咗烤魚，火鍋配料都有特色！玫瑰露鵝腸 ($48) 必試！鵝腸入味又唔肥膩，煮熟後仲帶住玫瑰香，好食 🌹 鮮牛骨髓 ($48) 滑嘟嘟無異味又滋補，食得開心又滿足 🤤
🍢 呢度嘅串燒唔同其他地方，每款都有獨特風味，燒得啱啱好：
🦪 陀地燒生蠔 ($12) 香辣蒜蓉加洋蔥，微辣夠惹味。
🍆 燒茄子 ($32) 舖滿蒜蓉同孜然粒，香口入味。
🥢 孜然蒜蓉豆皮串 ($12) 裡面包住菜甫同蒜蓉，完全唔似平時食到嘅豆皮！
🦑 泰式墨魚鬚 ($16) 泰式汁令墨魚鬚更好味，初頭誤會咗係魷魚鬚 😆~笑4！
🐷 泰式豬頸肉 ($14)、西班牙叉燒串 ($14) 多肉汁又夠彈牙。
🐮 牛胸爽 ($14)、豬粉腸 ($16) 都係必試！尤其粉腸燒完仲係咁嫩滑，有驚喜！
🥒 燒翠玉瓜 ($10)： 用椒鹽燒得香甜惹味，脆口多汁。
桂花蜜四川冰粉 ($16)、Sapporo 生啤 500ml ($48) 仲要買一送一 🎉
冰粉上面鋪滿青提子乾、花生碎同山楂粒，加埋桂花蜜，偏甜但解膩！生啤超抵飲，食烤魚同串燒飲返兩杯，Happy Happy Happy 🍻
題外話/補充資料：
呢間烤魚嘅性價比超高，聽店員講，連內地客都特登嚟香港食呢度嘅烤魚 😮 我同朋友呢次合埋對眼唔睇價錢，想食咩就嗌咩，最後都係每人三百幾蚊埋單，抵食到冇朋友 💥
(以上食評乃用戶個人意見 , 並不代表OpenRice之觀點。)
張貼