影片
更多
2022-11-08
750 瀏覽
📌 牛極 (馬頭圍道) - 紅磡馬頭圍道80號嘉朗豪庭地下1號舖🗓(8/11) 星期二 ⏰ 晚上7點左右 💈特式：由疫情前開始，石燒牛店舖係香港開到成巷成市，但好少見到好似呢間咁，逆(疫)市仍投放資源開咁多分店，而家係香港有十幾間分店，比一d細連鎖餐廳仲要多，咁我估一定有佢做得成功嘅地方。🥩🍔🌭🌮🥗🥯🥘🍲🍝🍣🥟🍤🍱食物：牛扒我就一向都鐘意食，而呢間石燒店我亦唔係第一次食，今次我就揀左間最近自己嘅呢間嚟食，佢除左本身餐個份牛，仲有一個任食區，等我同大家講下牛🐮味道先。牛肩扒180g - 我之前去親牛極都係叫佢個亂切牛，貪佢夠平同可以食到唔同部位，但今次見到佢地做緊牛肩扒都只係$85，咁就梗係試下啦，個牛肩好有肉味，又有肉汁，夠厚身，不過提議大家可以攞定個容器將自己已覺得夠熟嘅肉攞出，如果唔係太熟就會靭，到時就浪費左咁好食嘅牛肉。任食區 - 有湯/飯/沙律菜任食。湯🍲 - 通常佢地都係會用d頭頭尾尾牛肉去做一個類似羅宋湯咁既餐湯，但味道竟然一d都唔差，個湯好多料，入面d牛肉又淋又有牛味，仲要係任飲，如果屋企少湯水飲，去飲返佢2~3碗都幾著數。飯🍚 - 雖然係白飯，但係用唔差嘅珍
🗓(8/11) 星期二 ⏰ 晚上7點左右
💈特式：由疫情前開始，石燒牛店舖係香港開到成巷成市，但好少見到好似呢間咁，逆(疫)市仍投放資源開咁多分店，而家係香港有十幾間分店，比一d細連鎖餐廳仲要多，咁我估一定有佢做得成功嘅地方。
🥩🍔🌭🌮🥗🥯🥘🍲🍝🍣🥟🍤🍱
食物：牛扒我就一向都鐘意食，而呢間石燒店我亦唔係第一次食，今次我就揀左間最近自己嘅呢間嚟食，佢除左本身餐個份牛，仲有一個任食區，等我同大家講下牛🐮味道先。
牛肩扒180g - 我之前去親牛極都係叫佢個亂切牛，貪佢夠平同可以食到唔同部位，但今次見到佢地做緊牛肩扒都只係$85，咁就梗係試下啦，個牛肩好有肉味，又有肉汁，夠厚身，不過提議大家可以攞定個容器將自己已覺得夠熟嘅肉攞出，如果唔係太熟就會靭，到時就浪費左咁好食嘅牛肉。
任食區 - 有湯/飯/沙律菜任食。
湯🍲 - 通常佢地都係會用d頭頭尾尾牛肉去做一個類似羅宋湯咁既餐湯，但味道竟然一d都唔差，個湯好多料，入面d牛肉又淋又有牛味，仲要係任飲，如果屋企少湯水飲，去飲返佢2~3碗都幾著數。
飯🍚 - 雖然係白飯，但係用唔差嘅珍珠米，仲可以加佢地提供嘅飯素調味，我建議除左飯素之外仲可以加少少蒜蓉同燒肉汁，自制一個我自稱為牛極飯，如果手勢好，分分鐘可以媲美牛角飯，我次次都幾碼食兩碗。
沙律菜🥗 - 肉眼睇已經幾新鮮，沙律菜好爽脆清甜，仲有d粟米粒，另有兩款沙律汁(沙律醋/胡麻醬)可選擇。
☕️🍵🥤🧋🍺🍷🥃🍹🧉🍾🍶🥛
飲品 - 買餐時可加錢買罐裝汽水/飲品，另外有餐廳有提供自助凍水。
🍽環境：餐廳環境都坐得舒服，有好多卡位，同埋呢間店只開左一年多少少，所以裝修仍然好新淨，人都唔算多所以唔嘈唔迫，自助區又鬆動，感覺都唔錯，坐得幾舒服。
🤵🏻🤵🏻♀️🤵🏻♂️服務：服務態度唔錯，上菜速度都快，店員都有提如果石板唔熱可以同佢地講換過塊，此外由買票及所有野都係自助的。
💰💸價錢：食個石燒牛扒都只係$85蚊，其實價錢已經相當合理，加埋有飯/餐湯/沙律任食，就真係抵食，因為出面有d石燒店要額外加錢先可以轉set有飯/餐湯/沙律。
🐲💬總結：如果有時想食下牛扒，又唔想去連鎖快餐店或者扒房可以考慮下，佢個餐湯又好飲，鐘意飲羅宋湯既朋友都建議去食下。
推薦指數：❤️❤️❤️❤️🤍
牛肩扒180g
$85
26 瀏覽
0 讚好
0 留言
29 瀏覽
0 讚好
0 留言
23 瀏覽
0 讚好
0 留言
張貼
