影片
更多
2023-08-22
248 瀏覽
年邁既筆者，家陣好少出旺角，即使出都係去旺角東嗰頭居多。然而，某日收到朋友短訊，相約幾位良伴去嘆Sunday Brunch，想起我已經好耐無做過週末早午餐呢件事，便爽快應約。地點係朗豪坊頂樓既Smokehouse Grill。其實呢個地方，我曾幾何時是來過食晚餐同飲Cocktail的。某程度上，都可說是牛魔王的天堂。每人先有兩隻生蠔，爽身而伴上點石榴粒，與及是拉差咯嗲汁，乃醒胃的好開始。頭盤任點任食，烤粟米我一定唔會放過，香口又帶微微辣勁，可以Encore。吉列橄欖我還是首次品嚐，估唔到又不俗。雞翼香脆可口，肉質保持嫩滑有汁，唔會炸到縮埋，但我要提醒細食既自己要留力，否則可以提早離場。紅菜頭金菜頭加埋無花果，絕對是健康又美味之選。呢個咁Kawaii既迷你雪糕筒，內容係三文魚粒及蟹籽，大啖啪入口，正斗！食肉獸自然唔會走漏牛肉薄片，以波本威士忌醃製，肉味濃郁亦保持應有口感，不錯吃。主菜方面，毫無疑問我是會揀牛肉。煙燻牛胸肉嫩口又帶點肥，加上突出而又唔會喧賓奪主既煙燻味道，可以肯定我無揀錯！試了少許朋友的香煎羊架，同樣有水準。好厚身的羊架，但肉嫩細滑，火候控制得很好，結合恰如其分羶香，見朋友
年邁既筆者，家陣好少出旺角，即使出都係去旺角東嗰頭居多。然而，某日收到朋友短訊，相約幾位良伴去嘆Sunday Brunch，想起我已經好耐無做過週末早午餐呢件事，便爽快應約。
地點係朗豪坊頂樓既Smokehouse Grill。
其實呢個地方，我曾幾何時是來過食晚餐同飲Cocktail的。某程度上，都可說是牛魔王的天堂。
每人先有兩隻生蠔，爽身而伴上點石榴粒，與及是拉差咯嗲汁，乃醒胃的好開始。
頭盤任點任食，烤粟米我一定唔會放過，香口又帶微微辣勁，可以Encore。
吉列橄欖我還是首次品嚐，估唔到又不俗。
雞翼香脆可口，肉質保持嫩滑有汁，唔會炸到縮埋，但我要提醒細食既自己要留力，否則可以提早離場。
紅菜頭金菜頭加埋無花果，絕對是健康又美味之選。
呢個咁Kawaii既迷你雪糕筒，內容係三文魚粒及蟹籽，大啖啪入口，正斗！
食肉獸自然唔會走漏牛肉薄片，以波本威士忌醃製，肉味濃郁亦保持應有口感，不錯吃。
主菜方面，毫無疑問我是會揀牛肉。煙燻牛胸肉嫩口又帶點肥，加上突出而又唔會喧賓奪主既煙燻味道，可以肯定我無揀錯！
試了少許朋友的香煎羊架，同樣有水準。好厚身的羊架，但肉嫩細滑，火候控制得很好，結合恰如其分羶香，見朋友吃得津津有味，就知係咩一回事。
甜品只有一款，雲尼拿雪糕混入朱古力、士多啤梨及蜂巢脆脆等，有時無得揀都唔係一件壞事。柴娃娃幾條友食下Sunday Brunch，輕鬆一下，係幾開心既~
張貼
