米子

營業中

休息中

今天跟家人來到megabox打算閒逛一下看看傢俬，但肚子忍不住餓了，上了數層樓發現有間越南菜，都好似好耐冇食過，就選擇呢一間了。站在門口的Reception，有位女仕充滿笑容，很快著來招呼我，説這裡環境也不錯 ，有不少人在吃。Menu的選擇咩都有一點，但嚟到越南餐廳當然要試一試春卷啦，還點了香茅豬扒湯檬和菠蘿炒飯。越南春卷咬落去還是熱的而且也很脆，配上生菜包來吃再點上醬汁就不會感到油膩，味道都算唔錯。另外就講下豬扒湯檬，份量適中，對男士可能會差小小啦食埋春卷就夠哂，豬扒的香茅味唔算太重，但面頭有d葱油就好正🤤，湯底並唔係死咸，有小小炸蒜令個香味有多個層次，整體上都ok。最後到菠蘿炒飯啦，除左飯裡面有小小菠蘿外，仲有條燒菠蘿係側邊，而面頭鋪上炸軟殼蟹，整個飯係非常足料👀，個飯基本上好小咸味，不過配埋面頭d肉鬆就ok，而且仲有d腰果粒增加口感，好味🤪最後埋單都係200蚊有找，係呢度搵食都算唔錯了。