影片
更多
2024-07-14
409 瀏覽
近排好想食點心，咁啱出入喺中環又見到呢間餐廳都幾高級質素又好似好有水準咁，就同咗男朋友一齊去粵韻飄香週末早午餐嗌嘅係呢個任食點心嘅brunch ，本身跟咗前菜同埋湯，之後可以三揀一咁揀主菜。五代同堂係Refreshing嘅前菜，相當精緻，有好多唔同海鮮整成嘅前菜，食落都幾有質素。乾貝夏瓜花膠湯呢個湯相當出色，幾乎係我成餐覺得最好食嘅菜式。因為本身近排比較熱，其實食嘢都想食得清木，而呢個湯就正正係啱晒呢個季節飲，清得黎之餘，仲飲到甜味，每個材料都好balance，唔會係因為花膠湯而搶晒陣味。三蔥爆龍蝦配咗洋蔥、芫荽同埋香蔥，雖然本身龍蝦係比較西式嘅材料，但加咗呢三款蔥，食落好有鑊氣同埋好惹味。龍蝦肉一啲都唔會乾身，keep到龍蝦味之餘，食落爽口彈牙，可能係因為腳三蔥嘅配搭，食落仲好食過平時西式嘅龍蝦食法～.因為實在嗌咗太多點心，我就唔全部逐一點評，只係略略咁講，我覺得impressive嘅嗰啲😂.自己嚟講，我個人覺得佢嘅點心好食過甜品，喺有限嘅胃口之下，我會建議嗌多啲點心。.🌟陳皮魚蓉粥我個人覺得佢呢個粥都值得一嗌，本身粥係煲得比較棉身，而且加咗魚肉令到個粥更加鮮甜，陳皮再調到少少味，總
粵韻飄香週末早午餐
嗌嘅係呢個任食點心嘅brunch ，本身跟咗前菜同埋湯，之後可以三揀一咁揀主菜。
五代同堂
係Refreshing嘅前菜，相當精緻，有好多唔同海鮮整成嘅前菜，食落都幾有質素。
乾貝夏瓜花膠湯
呢個湯相當出色，幾乎係我成餐覺得最好食嘅菜式。因為本身近排比較熱，其實食嘢都想食得清木，而呢個湯就正正係啱晒呢個季節飲，清得黎之餘，仲飲到甜味，每個材料都好balance，唔會係因為花膠湯而搶晒陣味。
三蔥爆龍蝦配咗洋蔥、芫荽同埋香蔥，雖然本身龍蝦係比較西式嘅材料，但加咗呢三款蔥，食落好有鑊氣同埋好惹味。龍蝦肉一啲都唔會乾身，keep到龍蝦味之餘，食落爽口彈牙，可能係因為腳三蔥嘅配搭，食落仲好食過平時西式嘅龍蝦食法～
.
因為實在嗌咗太多點心，我就唔全部逐一點評，只係略略咁講，我覺得impressive嘅嗰啲😂
.
自己嚟講，我個人覺得佢嘅點心好食過甜品，喺有限嘅胃口之下，我會建議嗌多啲點心。
.
🌟陳皮魚蓉粥
我個人覺得佢呢個粥都值得一嗌，本身粥係煲得比較棉身，而且加咗魚肉令到個粥更加鮮甜，陳皮再調到少少味，總之就係好食。
張貼
