金記冰室 (元朗廣場) (已結業)

在元朗廣場搵嘢食， 揀咗金記冰室，金記好多分店 ， 之前食過質素都幾好。蕃茄濃汁焗豬扒飯茶餐因為怕自己一個原size食唔曬，所以叫咗細size的茶餐， 其實份量都唔細。上枱時熱辣辣， 新鮮焗起。 大大塊豬扒蓋在上面， 豬扒是厚切的，肥瘦適中，有骨落地，好味。 而飯炒飯底的， 略嫌炒得唔夠香，茄汁唔夠濃味，太乾身，希望有待改進。蛋白杏仁茶呢個跟餐嘢飲都幾有驚喜，感覺真材實料，好香杏仁味 ，再加埋蛋白，感覺十分滋潤，值得推介。金記三文治賣相顏色豐富，擺碟有心思。 材料足，乜都有啲， 本身跟烘底。地道霸王雞半隻外賣見佢有個外賣優惠88折，就試下他的霸王雞作晚飯加餸， 有好多蔥好香口，雞肉質嫩滑。