影片
更多
2020-11-09
810 瀏覽
10月某日下晝響尖沙咀做完嘢期間，撞到多年同學Sam，佢話帶我去銅鑼灣試法國菜，原來響登龍街新開咗一間法國餐廳，叫Les Papilles，當時仍然在試業中，得知響尋日(8/11)已經正式開業了。入門口位置有自助測量體温儀器，量完體温之後我哋坐咗響一張2人枱，眼見全餐廳有16個位，見到枱與枱之間均有分隔措施，餐廳梳化上面牆上有一幅好長嘅畫，係一班相信係法國人響湖邊飲下酒、放下狗同跳下舞，簡單又舒服。坐低後，Sam點了一枝紅酒飲：Chateau Amandiers Corbieres Grande Cuvee 2016($298)，如果響一間法國餐廳用$298飲到一枝紅酒都真係幾抵，佢仲話幾好飲，不過咁早我真係飲唔到酒。同學叫咗少少嘢食去送酒，店長攞咗一小籃，內有3個細嘅牛角包，牛角包係熱辣辣、外皮鬆脆、入口酥香、牛油味濃。咁Sam首先點咗個頭盤皇帝蟹肉配海膽伴芹菜頭泡沫(Crab and Sea Urchin, Celeriac Foam, $198)，用匙羹一筆入口，好鍾意呢個咁creamy嘅食材響口腔度停留嘅感覺，皇帝蟹肉同海膽已經夠鮮甜，creamy嘅感覺就係由呢個芹菜頭泡沫度出
10月某日下晝響尖沙咀做完嘢期間，撞到多年同學Sam，佢話帶我去銅鑼灣試法國菜，原來響登龍街新開咗一間法國餐廳，叫Les Papilles，當時仍然在試業中，得知響尋日(8/11)已經正式開業了。
入門口位置有自助測量體温儀器，量完體温之後我哋坐咗響一張2人枱，眼見全餐廳有16個位，見到枱與枱之間均有分隔措施，餐廳梳化上面牆上有一幅好長嘅畫，係一班相信係法國人響湖邊飲下酒、放下狗同跳下舞，簡單又舒服。
Chateau Amandiers Corbieres Grande Cuvee 2016
$298
29 瀏覽
0 讚好
0 留言
坐低後，Sam點了一枝紅酒飲：Chateau Amandiers Corbieres Grande Cuvee 2016($298)，如果響一間法國餐廳用$298飲到一枝紅酒都真係幾抵，佢仲話幾好飲，不過咁早我真係飲唔到酒。
牛角包
27 瀏覽
0 讚好
0 留言
同學叫咗少少嘢食去送酒，店長攞咗一小籃，內有3個細嘅牛角包，牛角包係熱辣辣、外皮鬆脆、入口酥香、牛油味濃。
皇帝蟹肉配海膽伴芹菜頭泡沫
$198
24 瀏覽
0 讚好
0 留言
咁Sam首先點咗個頭盤皇帝蟹肉配海膽伴芹菜頭泡沫(Crab and Sea Urchin, Celeriac Foam, $198)，用匙羹一筆入口，好鍾意呢個咁creamy嘅食材響口腔度停留嘅感覺，皇帝蟹肉同海膽已經夠鮮甜，creamy嘅感覺就係由呢個芹菜頭泡沫度出嚟，真係有百感交集嘅感覺，下次我嚟一定要再食過。
煙燻油浸三文魚配法國魚子醬牛油果青瓜沙律
$188
24 瀏覽
0 讚好
0 留言
再嚟另一個頭盤：煙燻油浸三文魚配法國魚子醬牛油果青瓜沙律(Lightly Smoked Salmon, Caviar, Cucumber Salad Avocado Puree, $188)，店長將三文魚一上枱時打開玻璃蓋，係一個煙燻嘅效果，我即刻問主廚係咪響香港銅鑼灣某間法國餐廳做過？不過要等主廚忙完之後會出嚟解答，咁講返食物先，呢個煙燻油浸三文魚配法國魚子醬之前我響銅鑼灣嘅法國餐廳(依家搬咗去灣仔)，佢哋係用42度低温慢煮個三文魚，不過呢度我就無特別問用幾多度，聞到煙燻味夠香濃，面層鋪滿燻過鹹香法國魚子醬，三文魚一切落去都夠嫩滑，牛油果青瓜沙律可以清一清三文魚嘅膩感。
鵝油炸薯條
44 瀏覽
0 讚好
0 留言
脊翼牛扒配香草牛油
$328
27 瀏覽
0 讚好
0 留言
主菜出場，脊翼牛扒配香草牛油配鵝油炸薯條(Steak Bavette Tradition Black Peppercorn Sauce Montpellier Butter, Goose Oil Fries, $328)，先食鵝油炸薯條，鵝油脂肪含量低、而且營養豐富，用鵝油去炸薯條仲好健康，食落都幾香脆；脊翼牛扒即係後腰脊翼板肉，係非常瘦但又非常軟嫩嘅部位，未食已經聞到好香嘅黑胡椒醬汁同香草牛油，一叉起食時牛扒好軟嫩又好嚼口，黑胡椒醬汁同香草牛油直頭佈滿響每件牛扒上面，真係好邪惡。
大廚Jeff終於忙於出嚟傾下計，傾計得知佢曾經響米芝蓮二星嘅Amber、1881之前嘅St. George任職過，最近又有幫Town Gas教Disciples Escoffier課程，其實傾傾下得知我哋幾年前已經識得，因為佢同我朋友之前響銅鑼灣一齊拍擋開過法國餐廳，原來我仲識佢太太，世界真係細。
今次同學請客，多謝老闆，我見到張單連加一$1,1xx(2個頭盤、1個主菜加1枝紅酒)，我哋係叫A La Carte，所以份量比較多，下次真係要試下成個set，只係$680一位(另加一服務費)，已經有我食過嗰三樣，咁份量當然少啲。
開頭聽到響銅鑼灣登龍街地鋪開間中高級法國餐廳真係藝高人膽大，心諗乜嘢料呀？成條街都無乜太多貴嘢食嘅餐廳，以呢個價錢同餐廳位置通常都只做熟客，好少walk in客，但當晚真係有熟客訂咗枱之餘又真係有人walk in入去食A La Carte，4個人埋單平均每人$500+，我響餐廳一post IG story已經有幾個朋友話要去食，加上當我知道主廚嘅背景之後就無咁擔心了，因為佢哋以前都係靠熟客起家，當年佢哋間餐廳都唔係咁易訂到位，所以實力勝於一切。
張貼
