影片
更多
2008-05-21
4 瀏覽
今日冒著雨, 到奧海城睇戲, 機會難逢, 梗係要走到呢間獲過百好評的食肆試下啦.嘩, 沒想過店子真的這麼迷你, 只有三張枱, 若坐滿十二人, 都應該幾迫. 幸好今天下著雨, 人不多, 正合我意.坐下, 不用想, 便點了招牌墨魚餅飯. 放眼廚房, 其實係枱的右邊, 一個年輕伙子, 十餘歲, 嚷著石油氣爐怎也著不了. 擾攘了一會, 總於弄妥, 正想著大廚兼老闆係時間出場時, 只見那小伙子著手下料到鍋裡去. 心想: “吓?! 點解唔係一個中年老闆咩? 個個都咁講架…好彩都係點墨魚餅飯, 墨魚餅該調好味, 只須炸熟, 加煎旦, 該沒什麼難度吧. 暗自慶幸不是點美極牛扒飯, 否則可糟糕了…” 另一邊, 還有三位食客, 好奇他們知否今天由這小伙子操刀, 點了什麼呢? 不一會, 就有幾碗湯飯送到他們跟前. 賣相似乎不錯, 而接下去, 他們大口大口吃著, 味道似乎相當對辦, 沒啥問題. 我的墨魚餅飯加魚湯終於出場, 魚湯, 有紫菜加豆卜浮下浮下. 但味道有點像出前一丁的調味包, 雖然之後也沒口渴, 但不是我那杯茶. 輸到墨魚餅, 完全無懈可擊, 好彈牙, 充滿了墨魚味. 而墨魚又唔會全部係膠, 保留了
嘩, 沒想過店子真的這麼迷你, 只有三張枱, 若坐滿十二人, 都應該幾迫. 幸好今天下著雨, 人不多, 正合我意.
坐下, 不用想, 便點了招牌墨魚餅飯. 放眼廚房, 其實係枱的右邊, 一個年輕伙子, 十餘歲, 嚷著石油氣爐怎也著不了. 擾攘了一會, 總於弄妥, 正想著大廚兼老闆係時間出場時, 只見那小伙子著手下料到鍋裡去. 心想: “吓?! 點解唔係一個中年老闆咩? 個個都咁講架…好彩都係點墨魚餅飯, 墨魚餅該調好味, 只須炸熟, 加煎旦, 該沒什麼難度吧. 暗自慶幸不是點美極牛扒飯, 否則可糟糕了…” 另一邊, 還有三位食客, 好奇他們知否今天由這小伙子操刀, 點了什麼呢? 不一會, 就有幾碗湯飯送到他們跟前. 賣相似乎不錯, 而接下去, 他們大口大口吃著, 味道似乎相當對辦, 沒啥問題.
我的墨魚餅飯加魚湯終於出場, 魚湯, 有紫菜加豆卜浮下浮下. 但味道有點像出前一丁的調味包, 雖然之後也沒口渴, 但不是我那杯茶. 輸到墨魚餅, 完全無懈可擊, 好彈牙, 充滿了墨魚味. 而墨魚又唔會全部係膠, 保留了粒粒墨魚, 好有口感. 加上裡面有點蘿蔔粒粒, 帶少少甜, 食下去減了油膩感. 唯飯有點硬, 若軟熟點會更理想.
吃著吃著, 有股椒鹽香味撲鼻而來. 眼前出現一碟椒鹽骨飯. 乜餐牌有呢味咩? 原來係小伙子廚師做給自己吃的. 那紅椒跟華鹽的香味混在一起, 很有火候似的, 一下子整間小店充斥著這香味, 味道該很不錯吧!
忽然想起頭文字D中, 油站老闆問豆腐店老闆, 乜唔係你送豆腐上秋明山架咩?! 豆腐店老闆道 : “呢幾年都係拓海個衰仔送去, 我無去好耐啦…” 唔通神廚館近幾年一直都係由呢個拓海主理??
張貼
