遇見花蓮

營業中

休息中

一行三人北角食下午茶,有人想食湯粉麵,有人想食多士,有人想食台菜...結果去咗遇見花蓮,滿足曬三個人嘅願望😂台式香濃沙嗲窩$98 - 沙嗲煱gas爐上,材料好豐富,主要有3大件牛肉,幾款台式肉丸,多款腐竹蔬菜,十幾款好有變化,沙嗲湯汁加粉絲,惹味得嚟又好爽口。紅燒牛肉麵拼古早滷肉飯$48 - 兩大件紅燒牛肉夠火喉,入口香濃鬆化。滷肉飯配半隻流心蛋,全份餐飽足感好強,性價比好高👍滷肉蜂巢牛肚新竹米粉$39 - 想食粉麵個friend評價: 金錢肚火候適中,有咬口得嚟又冇黐牙,新竹米粉少少q彈,掛湯一流。慢烤雞腿蛋吐司$40 - 多士份量相當大,食多士個friend評價: 慢烤雞腿肉幾嫩滑,唔會柴皮。墾丁脆魚塊$28 - 見隔離枱有,價錢又咁抵,點咗大家share, 一致認為外皮酥脆魚肉嫩滑, 超高性價比小食😋套餐可以配幾款免費飲品。 點咗桂圓紅棗茶, 紅棗桂圓菊花杞子分量相當多, 唔錯。朋友分別+$12升級自家芋泥鮮奶, +$16升級鮮奶紅豆手工芋圓,見佢哋都全杯飲曬。平均消費只需~$100, 同時可以滿足曬三個人, 以現時香港消費標準,遇見花蓮喺個人心目中,歸入高性價比一族。🍽 餐廳