影片
更多
2017-05-13
2272 瀏覽
講到依個「景點」就絕非第一次幫襯，不過，寫佢食評就真喺少，因為，真喺嚟親唔喺鮮榨蔗汁，就喺蔗汁糕，從未食過其他嘢。其實，今次都喺，只不過事緣帶朋友專登走過嚟中上環影壁畫，就順道帶佢哋嚟公利小休，兼試試佢哋啲招牌。公利真喺唔止一家賣傳統中式嘢飲嘅小店，更喺活化古蹟啦！鋪內仲喺保留緊50、60年代涼茶鋪嘅格局，懷舊紙皮石，古老酸枝枱櫈，依啲老店晌香港所剩無幾，所以，已變成唔少遊客嘅景點。好多人都只知公利賣竹蔗汁，其實，佢有唔少其他出品，如雞骨草、五花茶、火麻仁、羅漢果水、龜苓膏……等等。竹蔗汁 $13竹蔗汁喺佢哋嘅名物，飲過你就知喺無得輸，睇鋪面嘅招牌「真料竹蔗水」，夠膽咁講就知有幾堅。而且，哥仔就晌鋪內玩場即榨，稱得上新鮮現榨，童叟無欺，啲蔗汁入口蔗味超濃郁，又清甜，更喺爽心涼，飲完一杯爽晒。蔗汁糕 $15一小碗蔗汁糕，老闆娘已幫手輕輕鎅開4件，篤起嚟件糕「震藤藤」，口感好軟綿，清爽，不過，飲完啲竹蔗汁先食糕，啲糕變得無咁甜，蔗味亦唔及啲竹蔗汁咁濃，所以，建議先食糕，後飲竹蔗汁，效果應該好好多。抖一抖，我哋再起行，繼續沿荷李活道往上環方向行尋找壁畫，並順道參觀埋元創坊、基督教青年會……等
公利真喺唔止一家賣傳統中式嘢飲嘅小店，更喺活化古蹟啦！鋪內仲喺保留緊50、60年代涼茶鋪嘅格局，懷舊紙皮石，古老酸枝枱櫈，依啲老店晌香港所剩無幾，所以，已變成唔少遊客嘅景點。
好多人都只知公利賣竹蔗汁，其實，佢有唔少其他出品，如雞骨草、五花茶、火麻仁、羅漢果水、龜苓膏……等等。
竹蔗汁 $13竹蔗汁喺佢哋嘅名物，飲過你就知喺無得輸，睇鋪面嘅招牌「真料竹蔗水」，夠膽咁講就知有幾堅。而且，哥仔就晌鋪內玩場即榨，稱得上新鮮現榨，童叟無欺，啲蔗汁入口蔗味超濃郁，又清甜，更喺爽心涼，飲完一杯爽晒。
蔗汁糕 $15一小碗蔗汁糕，老闆娘已幫手輕輕鎅開4件，篤起嚟件糕「震藤藤」，口感好軟綿，清爽，不過，飲完啲竹蔗汁先食糕，啲糕變得無咁甜，蔗味亦唔及啲竹蔗汁咁濃，所以，建議先食糕，後飲竹蔗汁，效果應該好好多。
抖一抖，我哋再起行，繼續沿荷李活道往上環方向行尋找壁畫，並順道參觀埋元創坊、基督教青年會……等景點，終站喺太平山街一帶。
朋友滿「影」而歸，亦滿意小弟依位臨時「哎吔」導賞員，更計劃等天氣涼返啲，再去西環覓食尋壁畫。
張貼
