嘗樂 (灣仔道)

營業中

休息中

灣仔鬧市又有新食肆登場 ，今次新開o既「嘗樂」應該係由隔離條太和街搬過黎。小肥朝早返工行過見到，接過宣傳餐單，翌日午餐迅即購買外賣返公司試 。電話落單後，大約八分鐘就行到新店門口，收銀哥哥收緊錢o既時候，姐姐仔已準備好食物，並連聲道謝光顧，有禮又有效率 。XO仔叫咗客一號常餐「沙爹牛肉仿鮑片一丁麵」，外賣與堂食都係$42，包咗公仔麵一碗、牛油厚多一塊、火腿奄列、及熱咖啡或熱奶茶一杯。熱咖啡味道算唔錯，牛油厚多則鬆軟香甜 。火腿奄列就偏乾。主角沙爹牛肉仿鮑片一丁麵除咗個公仔麵正常啲之外，個湯底可以話係超咸，入面o既牛肉又偏嚡，鮑片更加係過韌，唔係咁啱個人口味囉 ！