新森林焗之專門店 (已搬遷) 新店位置

咁啱路過見到門面被門口個綠色招牌吸引咗入去。裡面的裝修也頗得意，餐廳內有一棵大樹，大概是用來配合森林這個主題吧！環境企理，座得舒服。難得個廁所都好乾淨呢！食物方面選擇頗多，多數是港式西餐。套餐感覺幾抵食，只是百多元就有幾款菜式連飲品。比起茶餐廳還要便宜。不過賣相真係要彈，好多碟上檯時覺得好肉酸，真係唔係好開胃。味道方面不過不失，唔算得上好食又唔算難食。1) 葡汁焗什菜 - 個樣唔多似焗出來，個汁太稀，麻麻地。2) 牛油帶子焗薯蓉 - 我最欣賞的一款菜式，牛油味好濃焗得好香，yummy!3) 瑞士雞翼 - 瑞士汁唔夠甜，似老抽雞翼多啲。但勝在夠多，有五隻。4) 焗鴛鴦飯 - 一邊係茄汁焗豬扒飯，另一邊係白汁海鮮飯。新鮮焗起好夠熱，豬扒好淋，味道幾好。不過太細碟，唔係好夠食。焗飯可以走芝士，怕吃芝士的人也可以叫焗飯了。