船皇 (謝斐道) (已結業)

船麵係泰國嘅特色麵食，以前有得去旅行嘅時候次次去泰國都會食，呢間有泰國開過嚟嘅船麵店見過好多人推介，今次都等我試吓啦😋午巿套餐($78) - 午市套餐會包一碗船麵，嘢飲同埋小食。船皇船麵🍜 - 我揀咗最多配料嘅船皇船麵，入面有牛腩，牛肉，牛丸，雞絲，雞翼，豬肉，豬肉丸🤣 淨係打配料都水蛇春咁長🤣 樣樣都想試啲嘅我就啱晒啦！湯底係非常之濃郁嘅牛湯，同台灣牛肉麵唔同嘅地方係佢有少少泰式嘅香料味，微微嘅酸同埋香茅令到佢更有泰國特色👍🏼單骨泰妹雞翼🍗(4件) - 雞翼係單骨嘅雞翼，以香炸嘅形式嚟煮，係好經典嘅香茅雞翼😋炸雞髀湯麵🍜 ($52) - 呢碗係抵食之選，因為佢嘅湯底都係牛肉湯，但係配料就係原隻炸雞髀！雞髀應該係即叫即炸，熱辣辣而且勁大隻，大過我手掌✋🏻炸皮出面有少少鹹味，應該係落咗椒鹽，有少少似鹽酥雞髀嘅感覺，店員仲俾咗手套我用手拎住食，風味十足😈炸雲吞皮🥠($12) - 由於湯底實在太好味，所以我哋追加左炸雲吞皮用嚟點湯食，就好似打邊爐要食炸魚皮一樣😛 雲吞皮索晒啲湯好正架！