影片
更多
2023-05-27
49 瀏覽
呢間主打嫩仙草嘅甜品店嚟自於台中逢甲夜市，小店對仙草好有講究，試咗好多次先至研發到而家嘅配方～餐廳裝修好似Cafe咁，幾光猛坐得都幾舒服，位置喺九記牛腩隔離，啱晒喺附近食完嘢過嚟食返碗仙草滿足下個甜品胃！🤰佢地嘅仙草熬煮八小時，確保可以充分釋放到仙草本身嘅膠質，滑溜有口感🥰！小店嘅招牌係仙草雪花冰，用嫩仙草冰磚打成，有牽絲嘅效果，綿綿嘅雪花冰裏面混咗啲仙草絲，口感綿密、入口即溶得嚟又帶啲口感，好特別；加埋自家製嘅煙韌芋圓，真係好滿足，完全滿足到刨冰控同芋泥控！------------------------------🍨◖芋泥焙茶奶蓋雪花盛盤◗ $98奶蓋嘅焙茶味道好出，茶味香濃；芋泥口感軟綿，甜甜地。一啖食曬芋泥、奶蓋同埋仙草冰，先食到芋泥嘅軟綿密口感，然後就係奶蓋嘅焙茶味，加上加入咗黑糖嘅仙草冰，口感好有層次，味道都好夾！然後食到最底仲會有仙草凍，配搭埋自家製芋圓一齊食，煙煙韌韌咁！🍵◖抹茶嫩仙草雪花盛盤◗ $88有大同細可以揀，揀咗一碗大嘅，有一球抹茶雪糕同紅豆，配搭上仙草雪花冰，加上淡奶，淡淡的奶香同抹茶嘅回甘，加上紅豆嘅甜味，成件事好多夾，而且仙草冰有牽絲，識落有啲軟糯嘅口感
佢地嘅仙草熬煮八小時，確保可以充分釋放到仙草本身嘅膠質，滑溜有口感🥰！小店嘅招牌係仙草雪花冰，用嫩仙草冰磚打成，有牽絲嘅效果，綿綿嘅雪花冰裏面混咗啲仙草絲，口感綿密、入口即溶得嚟又帶啲口感，好特別；加埋自家製嘅煙韌芋圓，真係好滿足，完全滿足到刨冰控同芋泥控！
------------------------------
🍨◖芋泥焙茶奶蓋雪花盛盤◗ $98
奶蓋嘅焙茶味道好出，茶味香濃；芋泥口感軟綿，甜甜地。一啖食曬芋泥、奶蓋同埋仙草冰，先食到芋泥嘅軟綿密口感，然後就係奶蓋嘅焙茶味，加上加入咗黑糖嘅仙草冰，口感好有層次，味道都好夾！然後食到最底仲會有仙草凍，配搭埋自家製芋圓一齊食，煙煙韌韌咁！
🍵◖抹茶嫩仙草雪花盛盤◗ $88
有大同細可以揀，揀咗一碗大嘅，有一球抹茶雪糕同紅豆，配搭上仙草雪花冰，加上淡奶，淡淡的奶香同抹茶嘅回甘，加上紅豆嘅甜味，成件事好多夾，而且仙草冰有牽絲，識落有啲軟糯嘅口感，幾特別！
🍡◖圓仔芒果嫩仙草盛盤◗ $58
呢個係香港限定嘅芒果系列，滿滿嘅夏天感覺，另外加咗$8要多一球芋泥～食之前倒入芒果醬，仲有啲煙韌嘅小丸子同芋圓，可以大大啖同仙草一齊食，芒果好清甜好滿足！佢嘅仙草口感偏實淨，唔會好容易碎晒，頗有口感！
🌟 Encore指數：9/10
張貼
