影片
更多
2023-04-25
716 瀏覽
今次我哋去咗來自日本嘅過江龍 ○de▽ 鯛白湯らーめん試吓佢哋嘅魚湯拉麵🤤 我哋大約13:45到舖頭，大約排咗35分鐘後就成功入座，店員會係入店前問我哋食乜而且同時會收埋錢。今次我哋叫咗：(P.S. 無哂我哋想食嘅沾麵….🥺)鯛。清湯($138)：湯底鮮甜、清澈，兼且魚香充足，魚湯最忌係腥，證明材料新鮮。跟拉麵有兩大塊炸到脆卜卜嘅鯛魚皮，本身我哋以為無乜特別，點知咬落去先發現塊薄薄嘅炸魚皮居然仲保留到一層少少嘅膠質係魚皮下方，口感由脆到煙靭，幾特別。麵質和叉燒尚算正常，只係份量略少🤏🏻鯛。白湯($138)：好香、好濃郁嘅湯頭，配料有鯛魚肉碎、洋蔥、叉燒。碗邊仲有一大pat柚子醬，據waitress分享，可先試原味，如果覺得太膩可以撈柚子醬落去。我哋就覺得落咗柚子醬落個湯到係可以中和番湯頭嘅油膩感，同時柚子香味又幾帶到鯛魚嘅鮮，唔錯！👍🏻其他嘢包括麵質、配料都同清湯一樣😎櫻木煙燻糖芯蛋($15)：兩個字，失色。唔夠煙燻香氣，流心唔夠勁，調味唔夠，大家有機會就唔好叫啦🤣隨非好想食蛋喇🤌🏻總結，價格定位好進取，份量唔算太足，同集團嘅蠔麵正好多。如果唔洗排隊嘅一試無妨，熱愛排隊嘅朋友就行落少少
(P.S. 無哂我哋想食嘅沾麵….🥺)
鯛。清湯($138)：湯底鮮甜、清澈，兼且魚香充足，魚湯最忌係腥，證明材料新鮮。跟拉麵有兩大塊炸到脆卜卜嘅鯛魚皮，本身我哋以為無乜特別，點知咬落去先發現塊薄薄嘅炸魚皮居然仲保留到一層少少嘅膠質係魚皮下方，口感由脆到煙靭，幾特別。麵質和叉燒尚算正常，只係份量略少🤏🏻
鯛。白湯($138)：好香、好濃郁嘅湯頭，配料有鯛魚肉碎、洋蔥、叉燒。碗邊仲有一大pat柚子醬，據waitress分享，可先試原味，如果覺得太膩可以撈柚子醬落去。我哋就覺得落咗柚子醬落個湯到係可以中和番湯頭嘅油膩感，同時柚子香味又幾帶到鯛魚嘅鮮，唔錯！👍🏻其他嘢包括麵質、配料都同清湯一樣😎
櫻木煙燻糖芯蛋($15)：兩個字，失色。唔夠煙燻香氣，流心唔夠勁，調味唔夠，大家有機會就唔好叫啦🤣隨非好想食蛋喇🤌🏻
總結，價格定位好進取，份量唔算太足，同集團嘅蠔麵正好多。如果唔洗排隊嘅一試無妨，熱愛排隊嘅朋友就行落少少排蠔麵喇，試過一次對我哋嚟講已經足夠🙂
張貼
