泰贊- 創意泰餐廳 (已結業)

放工係尖沙咀行街，見到呢間泰式餐廳就諗住walk in。其實當晚睇落唔多人等，前面大概有2-3個人。雖然餐廳睇落座位都多，但可能當晚太旺場，結果都要等20分鐘先入座。-自家製薯角配芝士香辣蛋黃醬 $65薯角炸得偏啡，表皮口感特別，但食落唔會有燶味。芝士配香辣蛋黃醬惹味夠辣，愈食愈上癮，但醬料唔會太膩。-冬蔭功大蝦海鮮炒飯 $105炒飯睇落幾有西班牙風情，欣賞炒飯嘅配料都多，有粟米、青豆、紅蘿蔔粒等，令飯粒更入味。海鮮都足料，有大蝦、青口、蜆肉等，肉質彈牙。-軟殼蟹芒果紙米卷 $85因為加入咗芒果，紙米卷味道其實幾清新。但軟殼蟹個份量同圖片真係有啲分別，唔算好大塊。-士多啤梨乳酪 $40入口都清爽，但味道有啲淡，同埋份量唔太多。加上最先係上飲品，之後啲菜式等咗一陣先到，好快就飲晒。