湯火功夫麻辣燙 (已結業)

今日和同事外出午餐，發現一間新餐廳湯火功夫！所以就一齊入左去試下！餐廳整潔乾淨，衛生環境十分分良好。餐廳湯底選擇有四款，有辣有唔辣，仲有蕃茄湯底。面嘅選擇也頗多，令人驚喜。我點了經典麻辣米線，配料選擇了薯仔片，通菜和牛柏葉！辣度和麻也可以自由選擇！我叫咗中辣和小麻。辣度我覺得剛剛好，不會太辣又不會覺得不到辣的感覺。薯仔片和通菜也吸收了湯汁的精華！食落去就會有少少辣辣地，好過癮。牛柏葉不會太軔，有咬口之餘帶爽。餐廳整體質素很不錯，湯底味道夠香濃，米線份量充足，會再次光顧。