程班長台灣美食 (已結業)

素來喜歡台灣美食。久聞程班長之美味，今日終於可以有機會一嘗啦。店員安排好位置後，揀好食物之後，出去排隊，點餐同俾錢。清燉半筋半肉麵 $55麵可以揀粗同幼，問過店員，其實是同一種麵，不過睇自己本身喜歡粗定幼，最後揀左粗面。麵身彈牙，入口順滑，口感唔錯。筋非常好吃，煮得夠冧夠入味，大大件，不油膩。真係食完仲來叫多份筋來食。肉都係厚身，量比筋多，肉味濃郁，但會硬身d。湯很清甜，淡淡肉香，唔會油。 台式傳統豬腳便當 $60木盒便當很有台灣火車便當既感覺。便當有，豬腳、滷蛋、車輪和豆棗絲。豬腳好大隻，貼心地切開了，煮又冧又入味，超有膠原，但唔會好膩。飯唔算多，不過配了豬腳食，非常飽。配了車輪同豆棗絲，更有台灣特式，一般香港台灣食店都不一定會有，豆棗絲甜甜地好好味。蚵仔煎 $36香港少吃到嘅台灣地道口味，蚵仔大隻，幾肥美，個煎餅底相當Q彈，有蛋香，配了醬油，好好吃呀冬瓜茶（跟餐） $10現煮飲品，甜甜地，飲到口中等一陣就會浮番個冬瓜味，感覺清新。其實好想食大腸包小腸，不過午餐時段未開始賣，可惜呢，希望下次食到。來到店中感覺親切，店員都是台灣人，很友好。雖然暫時無機會飛台灣食野，Lee幫到我解下癮。